തിരുവനന്തപുരം: കെ റെയിൽ ഇടതുപക്ഷത്തിന്റെ പദ്ധതിയാണെന്നും ജനങ്ങളുടെ ആശങ്ക പരിഹരിച്ചുമാത്രമേ പദ്ധതി നടപ്പാക്കൂ എന്നും സി.പി.ഐ സംസ്ഥാന സെക്രട്ടറി കാനം രാജേന്ദ്രൻ പറഞ്ഞു. പദ്ധതിയുമായി ബന്ധപ്പെട്ട് സി.പി.ഐയിൽ രണ്ടഭിപ്രായമില്ല. . പ്രതിപക്ഷ പ്രതിഷേധം വിശദമായ വിവരങ്ങൾ അറിയാതെയാണ്. ജനങ്ങളെ ബോധ്യപ്പെടുത്തി മാത്രമേ പദ്ധതി നടപ്പാക്കൂവെന്നും അദ്ദേഹം വ്യക്തമാക്കി.
ഏതൊരു പുതിയ പദ്ധതിയിലും ജനങ്ങള്‍ക്ക് സ്വാഭാവികമായും ആശങ്കകളുണ്ടാകും. അത് പരിഹരിക്കേണ്ടത് ഗവണ്‍മെന്റിന്റെ ബാദ്ധ്യതയാണെന്നും കാനം രാജേന്ദ്രന്‍ പറഞ്ഞു എല്‍.ഡി.എഫിന്റെ അഭിപ്രായമാണ് സി.പി.ഐയ്ക്കുമുള്ളത്. ഏതൊരു പുതിയ പദ്ധതിയിലും ജനങ്ങള്‍ക്ക് സ്വാഭാവികമായും ആശങ്കകളുണ്ടാകും. അത് പരിഹരിക്കേണ്ടത് ഗവണ്‍മെന്റിന്റെ ബാധ്യതയാണ്. അതിനുള്ള നടപടികള്‍ സര്‍ക്കാര്‍ സ്വീകരിക്കും. എതിരഭിപ്രായങ്ങള്‍ സ്വാഭാവികമാണ്. അവരെ കൂടെ ബോധ്യപ്പെടുത്തി മുന്നോട്ട് പോകാനാണ് എല്‍.ഡി.എഫ് ശ്രമിക്കുന്നതെന്നും കാനം രാജേന്ദ്രന്‍ പറഞ്ഞു. പദ്ധതിയുമായി ബന്ധപ്പെട്ട എല്ലാ പഠനങ്ങളും നടത്തും. എല്ലാ ഘട്ടത്തിലും പൊതുജനങ്ങള്‍ക്ക് അഭിപ്രായം പറയാനുള്ള സാഹചര്യമുണ്ടാവും. ഇപ്പോള്‍ തല്‍ക്കാലം ഇതിന്റെ അലൈന്‍മെന്റ് നിര്‍ണയിക്കാനുള്ള നടപടികള്‍ മുന്നോട്ട് പോവണം. അതിനോട് ജനങ്ങള്‍ സഹകരിക്കണമെന്നും കാനം പറഞ്ഞു.