പാലക്കാട്: എസ്.എൻ.ഡി.പി പാലക്കാട് യൂണിയന്റെ നേതൃത്വത്തിൽ ജനറൽ സെക്രട്ടറി പദത്തിൽ 25 വർഷം പൂർത്തിയാക്കുന്ന വെള്ളാപ്പള്ളി നടേശന്റെ ധന്യസാരഥ്യത്തിന്റെ രജത ജൂബിലിയോടനുബന്ധിച്ച് നടന്ന പാലക്കാട് യൂണിയൻ സമ്മേളനം യൂണിയൻ സെക്രട്ടറി കെ.ആർ.ഗോപിനാഥ് ഉദ്ഘാടനം ചെയ്തു. പരിപാടിയിൽ യൂണിയൻ പ്രസിഡന്റ് ആർ.ഭാസ്‌കരൻ അദ്ധ്യക്ഷത വഹിച്ചു. വൈസ് പ്രസിഡന്റ് യു.പ്രഭാകരൻ, യോഗം ഡയറക്ടർമാരായ അഡ്വ. കെ.രഘു, ജി.രവീന്ദ്രൻ, ബി.വിശ്വനാഥൻ, പി.മുരുകൻ, കൗൺസിലർമാരായ കെ.അനന്തകുമാർ, ആർ.അരവിന്ദാക്ഷൻ, ജയപ്രകാശ്, കെ.ഉണ്ണികൃഷ്ണൻ, രാജേഷ് വേനോലി, യൂത്ത്മൂവ്‌മെന്റ് ഭാരവാഹികളായ വി.സുരേഷ്, നിവിൻ ശിവദാസ്, വനിതാസംഘം ഭാരവാഹികളായ പത്മാവതി പ്രഭാകരൻ, ജ്യോതി ഉണ്ണികൃഷ്ണൻ, ഉഷ രവീന്ദ്രൻ എന്നിവർ പങ്കെടുത്തു.