മാവേലിക്കര: കഴിഞ്ഞ 25 വർഷമായി വെള്ളാപ്പള്ളി നടേശന്റെ നേതൃത്വത്തിൽ എസ്.എൻ.ഡി.പി യോഗം സംഘടനാ, വിദ്യഭ്യാസ, സാമ്പത്തീക സ്വാശ്രയ രംഗങ്ങളിൽ കൈവരിച്ച നേട്ടങ്ങൾ പ്രശംസനീയവും, വെള്ളാപ്പള്ളി നടേശന്റെ നേതൃപാടവത്തിന്റെ ഉത്തമോദാഹരണവും അനുകരിക്കാവുന്നതുമാണെന്ന് ഡെപ്യൂട്ടി സ്പീക്കർ ചിറ്റയം ഗോപകുമാർ പറഞ്ഞു. വെള്ളാപ്പള്ളി നടേശൻ ധന്യസാരഥ്യത്തിന്റെ രജതജൂബിലിയുടെ ഭാഗമായി മാവേലിക്കര ടി.കെ.മാധവൻ സ്മാരക എസ്.എൻ.ഡി.പി യൂണിയനിൽ നടന്ന നേതൃത്വ പരിശീലന ക്യാമ്പ് ഉദ്ഘാടനം ചെയ്യുകയായിരുന്നു അദ്ദേഹം. യൂണിയൻ കൺവീനർ ഡോ.ഏ.വി.ആനന്ദരാജ് അദ്ധ്യക്ഷത വഹിച്ചു.മാവേലിക്കര നഗരസഭാ ചെയർമാൻ കെ.വി.ശ്രീകുമാർ, ഗോപൻ ആഞ്ഞിലിപ്ര, രാജൻ ഡ്രീംസ്, വിനു ധർമ്മരാജൻ, ഉദയൻപാറ്റൂർ, ദയകുമാർ, എൽ.അമ്പിളി, സുനി ബിജു, നവീൻ വി.നാഥ്, ഡി.ശ്രീജിത് എന്നിവർ പ്രസംഗിച്ചു. രാജൻ മഞ്ചേരി, ഡോ.എം.എം.ബഷീർ, വിനോദ് ശ്രീധർ എന്നിവർ വിവിധ വിഷയങ്ങളിൽ ക്ലാസ് നയിച്ചു. ഉച്ചക്ക് ശേഷം 3 മുതൽ ചേർത്തലയിൽ നടന്ന ജൂബിലി പരിപാടിയുടെ തത്സമയ സംപ്രേക്ഷണം നടന്നു.