ചിറ്റാർ: സി.പി.എം പെരുനാട് ഏരിയാ സമ്മേളനം ആങ്ങമൂഴിയിൽ ഇന്നാരംഭിക്കും. ഇന്നലെ ദീപശിഖാ ജാഥ, ജാഥാ ക്യാപ്റ്റൻ കെ. ജി. മുരളീധരന് സി. പി. എം. ഏരിയാ കമ്മിറ്റിയംഗം എം. എസ്. രാജേന്ദ്രൻ ദീപശിഖ കൈമാറി ഉദ്ഘാടനം ചെയ്തു. സമ്മേളന നഗറിൽ സി. പി. എം. ജില്ലാ കമ്മിറ്റിയംഗം അഡ്വ: കെ. യു. ജനീഷ് കുമാർ എം. എൽ. എ. ഏറ്റുവാങ്ങി.
പതാകജാഥ സി പി. എം. ജില്ലാ കമ്മിറ്റിയംഗം പി. എസ്. മോഹനൻ ജാഥാ ക്യാപ്റ്റൻ അഡ്വ: വി. ജി. സരേഷിനു കൈമാറി ഉദ്ഘാടം ചെയ്തു. സമ്മേളന നഗറിൽ എരിയാ സെക്രട്ടറി എസ്. ഹരിദാസ് ഏറ്റുവാങ്ങി.
കൊടിമര ജാഥ സി. പി. എം ഏരിയാ കമ്മിറ്റിയംഗം കെ. ജെ. ജയിംസ് ജാഥാ ക്യാപ്റ്റൻ പ്രവീൺ പ്രസാദിനു കൈമാറി ഉദ്ഘാടനം ചെയ്തു. സമ്മേളന നഗറിൽ സി. പി. എം ഏരിയാ കമ്മിറ്റിയംഗം പി. ആർ. പ്രമോദ് ഏറ്റുവാങ്ങി
കപ്പി, കയർ ജാഥ വി. എൻ. സുധാകരന്റെ ഭാര്യ രമണി
ജാഥാ ക്യാപ്റ്റൻ സി. എസ്. സുകുമാരനു കൈമാറി ഉദ്ഘാടനം ചെയ്തു. സമ്മേളന നഗറിൽ സി. പി. എം ഏരിയാ കമ്മിറ്റിയംഗം ടി. എ. നിവാസ് ഏറ്റുവാങ്ങി
. 9 ന് ആങ്ങമൂഴി കാതോലിക്കേറ്റ് സെന്ററിൽ സംസ്ഥാന കമ്മിറ്റിയംഗം ആർ. ഉണ്ണികൃഷ്ണപിള്ള പ്രതിനിധി സമ്മേളനം ഉദ്ഘാടനം ചെയ്യും. ജില്ലാ സെക്രട്ടറി കെ. പി. ഉദയഭാനു, സംസ്ഥാന കമ്മിറ്റിയംഗം അഡ്വ. കെ അനന്തഗോപൻ, ജില്ലാ സെക്രട്ടേറിയറ്റ് അംഗങ്ങളായ എ .പദ്മകുമാർ, പി.ജെ.അജയ കുമാർ, രാജുഏബ്രഹാം, പ്രൊഫ: ടി .കെ .ജി നായർ, അഡ്വ: ആർ .സനൽകുമാർ, ടി .ഡി. ബൈജു, അഡ്വ: ഓമല്ലൂർ ശങ്കരൻ ,പി.ബി .ഹർഷ കുമാർ, ജില്ലാ കമ്മിറ്റി അംഗങ്ങളായ പി. എസ് മോഹനൻ, അഡ്വ: കെ. യു. ജനീഷ് കുമാർ എം .എൽ .എ എന്നിവർ പങ്കെടുക്കും.10 ന് വൈകിട്ട് ഒാണലൈനായി നടക്കുന്ന പൊതുസമ്മേളനം കേന്ദ്ര കമ്മിറ്റിയംഗം എ.വിജയരാഘവൻ ഉദ്ഘാടനം ചെയ്യും.