തിരുവല്ല: എസ്.എൻ.ഡി.പി.യോഗം തിരുവല്ല യൂണിയനിലെ 4343 കിഴക്കൻ മുത്തൂർ ശാഖയിൽ ശ്രീനാരായണ ഗുരുദേവ പ്രതിഷ്‌ഠാ രജതജൂബിലി ആഘോഷങ്ങളുടെ ഭാഗമായി വനിതാ സമ്മേളനം നടത്തി. തിരുവല്ല യൂണിയൻ വനിതാസംഘം സെക്രട്ടറി സുധാഭായ് ഉദ്ഘാടനം ചെയ്തു. വനിതാസംഘം ശാഖാ പ്രസിഡന്റ് ലളിത മോഹനൻ അദ്ധ്യക്ഷത വഹിച്ചു. യൂണിയൻ വനിതാസംഘം പ്രസിഡന്റ് സുമ സജികുമാർ മുഖ്യപ്രഭാഷണം നടത്തി. ശാഖാ പ്രസിഡന്റ് പി.എസ്.ലാലൻ, ശാഖാ സെക്രട്ടറി മഹേഷ് എം.പാണ്ടിശേരിൽ, കമ്മിറ്റിയംഗങ്ങളായ ഗീതാശശി, ഗീതാ സുകുമാരൻ, ശാഖാ വനിതാ സംഘം സെക്രട്ടറി നിഷ ശരത്, വൈസ് പ്രസിഡന്റ് ഐഷ പ്രസന്നൻ എന്നിവർ പ്രസംഗിച്ചു. പ്രീതിലാൽ കോട്ടയം ഗുരുപ്രഭാഷണം നടത്തി. രജതജൂബിലി ആഘോഷങ്ങളോടനുബന്ധിച്ച് 25ന് രാവിലെ മുതൽ ക്ഷേത്രത്തിൽ വിശേഷാൽ പൂജകൾ. 9ന് ഗുരുദേവ ഭാഗവതപാരായണം. വൈകിട്ട് 5.30ന് പടിഞ്ഞാറ്റുശേരി ശാഖയിൽനിന്ന് താലപ്പൊലി ഘോഷയാത്ര. 26ന് ഉച്ചയ്ക്ക്ശേഷം 2ന് ശ്രീനാരായണ ഗുരുദേവ പ്രതിഷ്‌ഠാ രജതജൂബിലി സമാപനസമ്മേളനം യോഗം ദേവസ്വംസെക്രട്ടറി അരയക്കണ്ടി സന്തോഷ് ഉദ്ഘാടനം ചെയ്യും.യൂണിയൻ പ്രസിഡന്റ് ബിജു ഇരവിപേരൂർ അദ്ധ്യക്ഷനാകും.കുറിച്ചി അദ്വൈത വിദ്യാശ്രമം മഠാധിപതി സ്വാമി ധർമ്മചൈതന്യ അനുഗ്രഹപ്രഭാഷണം നടത്തും. യൂണിയൻ സെക്രട്ടറി അനിൽ എസ്.ഉഴത്തിൽ മുഖ്യപ്രഭാഷണം നടത്തും.യോഗം അസി.സെക്രട്ടറി പി.എസ്.വിജയൻ, ഇൻസ്‌പെക്ടിംഗ് ഓഫീസർ എസ്.രവീന്ദ്രൻ എന്നിവർ സന്ദേശം നൽകും.