തിരുവല്ല: എസ്.എൻ.ഡി.പി.യോഗം തിരുവല്ല യൂണിയനിലെ 4343 കിഴക്കൻ മുത്തൂർ ശാഖയിൽ ശ്രീനാരായണ ഗുരുദേവ പ്രതിഷ്‌ഠാ രജതജൂബിലി ആഘോഷങ്ങൾ ഇന്നും നാളെയും നടക്കും. ഇന്ന് രാവിലെ മുതൽ ക്ഷേത്രത്തിൽ വിശേഷാൽ പൂജകൾ. 6.45ന് സമൂഹ ശാന്തിഹവനം, 9.30 മുതൽ ഗുരുദേവ ഭാഗവതപാരായണം. വൈകിട്ട് 5.30ന് പടിഞ്ഞാറ്റുശേരി ശാഖയിൽനിന്ന് താലപ്പൊലി ഘോഷയാത്ര. തുടർന്ന് വിശേഷാൽ ദീപാരാധന. സമൂഹപ്രാർത്ഥന, പ്രസാദവിതരണം. 26ന് രാവിലെ 7ന് രതീഷ് ശാന്തിയുടെയും സുജിത്ത് ശാന്തിയുടെയും കാർമ്മികത്വത്തിൽ കലശം. ഒന്നിന് ഗുരുപൂജ. 2ന് ശ്രീനാരായണ ഗുരുദേവ പ്രതിഷ്‌ഠാ രജതജൂബിലി സമാപനസമ്മേളനം എസ്.എൻ.ഡി.പി.യോഗം ദേവസ്വംസെക്രട്ടറി അരയക്കണ്ടി സന്തോഷ് ഉദ്ഘാടനം ചെയ്യും. യൂണിയൻ പ്രസിഡന്റ് ബിജു ഇരവിപേരൂർ അദ്ധ്യക്ഷത വഹിക്കും. കുറിച്ചി അദ്വൈത വിദ്യാശ്രമം മഠാധിപതി സ്വാമി ധർമ്മചൈതന്യ അനുഗ്രഹപ്രഭാഷണം നടത്തും. യൂണിയൻ സെക്രട്ടറി അനിൽ എസ്.ഉഴത്തിൽ മുഖ്യപ്രഭാഷണം നടത്തും.യോഗം അസി.സെക്രട്ടറി പി.എസ്.വിജയൻ, ഇൻസ്‌പെക്ടിംഗ് ഓഫീസർ എസ്.രവീന്ദ്രൻ എന്നിവർ സന്ദേശം നൽകും.ശാഖ പ്രസിഡന്റ് പി.എസ്.ലാലൻ, സെക്രട്ടറി മഹേഷ് എം.പാണ്ടിശേരിൽ, സമീപ ശാഖാ സെക്രട്ടറിമാരായ കെ.ശശിധരൻ, വി.ആർ.സുകുമാരൻ, കെ.എൻ.അനിരുദ്ധൻ, യൂണിയൻ കമ്മിറ്റിയംഗം കെ.പി.ശിവദാസ്, വനിതാസംഘം സെക്രട്ടറി നിഷ ശരത്ത്, യൂത്ത്മൂവ്മെന്റ് സെക്രട്ടറി മനീഷ് തെക്കേമലയിൽ എന്നിവർ പ്രസംഗിക്കും. 6ന് സമൂഹപ്രാർത്ഥന, 7ന് സർവൈശ്വര്യപൂജ, പ്രസാദ വിതരണം 7.30 മുതൽ കുട്ടികളുടെ കലാപരിപാടികൾ.