റാന്നി : കുരുമ്പൻ മൂഴിയിൽ മദ്ധ്യവയസ്‌കൻ കുത്തേറ്റ് മരിച്ചു. മറ്റൊരാൾക്ക് ഗുരുതര പരിക്കേറ്റു. ഇന്നലെ രാത്രി എട്ടോടെ കുരുമ്പൻ മൂഴി കോസ് വെയ്ക് സമീപമാണ് സംഭവം. കന്നാലിൽ ജോളി (55)യാണ് മരിച്ചത്. വടക്കേ മുറിയിൽ ബാബുവിനെ ( 55 ) ഗുരുതര പരിക്കുകളോടെ പാലാ ചേർപ്പുങ്കൽ മാർ സ്ലീബാ മെഡിസിറ്റി ആശുപത്രിയിൽ പ്രവേശിപ്പിച്ചു. സംഭവവുമായി ബന്ധപ്പെട്ട് പുറയാറ്റ് സാബു (57) വി​നെ പൊലീസ് തെരയുകയാണ്.

ജോളിയുടെ കഴുത്തിനാണ് കുത്തേറ്റത്. കഴുത്തിലെ ഞരമ്പ് മുറിഞ്ഞു തൽക്ഷണം മരണപ്പെട്ടു. കുരുമ്പൻമൂഴി കോസ്‌വേയ്ക്ക് മറുകരയിലുള്ള കടയിൽ പോയതാണ് ജോളി. ഭാര്യയും രണ്ടു പെൺമക്കളും അടങ്ങുന്നതാണ് ജോളിയുടെ കുടുംബം.