പത്തനംതിട്ട : ഇലന്തൂർ മാർക്കറ്റിൽ സൂര്യ ഹയറിംഗ് സെന്ററിന് മുന്നിൽ ഉണ്ടായ ബൈക്ക് അപകടത്തിൽ യുവാവ് മരിച്ചു. പൂക്കോട് മധുമല മണ്ണിൽ തെക്കേതിൽ സുമേഷ് ( 25) ആണ് മരിച്ചത്. വെള്ളിയാഴ്ച രാത്രി 10.30 നായിരുന്നു അപകടം. ഇലന്തൂരിൽ വെൽഡിംഗ് തൊഴിലാളിയായിരുന്നു. ഒപ്പമുണ്ടായിരുന്ന ചിറ്റാർ സ്വദേശിയായ അജേഷ് ഗുരുതരാവസ്ഥയിൽ കോട്ടയം മെഡിക്കൽ കോളേജിൽ ചികിൽസയിലാണ്. അമിത വേഗതയിൽ വന്ന ബൈക്ക് കടയുടെ വരാന്തവഴി കയറി ഭിത്തി തകർത്ത് റോഡിലേക്ക് മറിയുകയായിരുന്നുവെന്ന് നാട്ടുകാർ പറഞ്ഞു. സുമേഷിന്റെ മാതാവ് ശാന്തകുമാരി.