തിരുവല്ല: എസ്.എൻ.ഡി.പി.യോഗം പൊടിയാടി ഗുരുദേവ ക്ഷേത്രത്തിൽ പ്രതിഷ്ഠാ വാർഷികവും ഉത്സവവും ജനുവരി ഒന്നുമുതൽ നാല് വരെ കൊവിഡ് ചട്ടങ്ങൾ പാലിച്ച് നടക്കും. നാളെ രാവിലെ 7.30ന് ശാഖാ ചെയർമാൻ സന്തോഷ് ചാപ്പുഴ പതാക ഉയർത്തും. നാലുവരെ ദിവസവും രാവിലെ വിശേഷാൽ പൂജകൾ, ഗുരുദേവ സ്തുതികൾ 8.30 മുതൽ ഗുരുഭാഗവതപാരായണം വൈകിട്ട് 6.30ന് ദീപാരാധന 7.30ന് ദേവീപൂജ. ജനുവരി രണ്ടിന് 12.30ന് സമൂഹസദ്യ. നാലിന് വൈകിട്ട് 7.30ന് താലപ്പൊലി, 8.30ന് കൊടിയിറക്ക്.