പുനലൂർ:എസ്.എൻ.ഡി.പിയോഗം ജനറൽ സെക്രട്ടറി, ശ്രീനാരായണ ട്രസ്റ്റ് ജനറൽ സെക്രട്ടറി എന്നീ നിലകളിൽ തുടർച്ചയായി 25 വർഷം പൂർത്തിയാക്കിയ വെളളാപ്പള്ളി നടേശന്റെ സംഘടന പ്രവർത്തനങ്ങളുടെ രജത ജൂബിലിയോടനുബന്ധിട്ട് ഒരു വർഷം നീണ്ട് നിൽക്കുന്ന ആഘോഷ പരിപാടികളുടെ ഉദ്ഘാടനം 5ന് വൈകിട്ട് 4ന് ചേർത്തലയിൽ മുഖ്യമന്ത്രി പിണറായി വിജയന്റെ അദ്ധ്യക്ഷതയിൽ കേരള ഗവർണ്ണർ ആരിഫ് മുഹമ്മദ് ഖാൻ നിർവഹിക്കും. അന്നേദിവസം ഉച്ചക്ക് 2 ന് പുനലൂർ യൂണിയൻ അതിർത്തിയിലെ 67 ശാഖകളിലെ ഭാരവാഹികളെ ഉൾപ്പെടുത്തി മഹാ സമ്മേളനം സംഘടിപ്പിക്കും. ജനറൽ സെക്രട്ടറിയുടെ കഴിഞ്ഞ 25 വർഷത്തെ പ്രവർത്തന മികവ് തെളിയിക്കുന്ന വീഡിയോ പ്രദർശനവും ചേർത്തലയിൽ നടക്കുന്ന ഉദ്ഘാടന സമ്മേളനത്തിന്റെ തൽസമയ സംപ്രേഷണവും യൂണിയൻ ഹാളിൽ സജ്ജമാക്കും.ശാഖ പ്രസിഡന്റുമാർ,വൈസ് പ്രസിഡന്റുമാർ, സെക്രട്ടറിമാർ, കമ്മിറ്റി അംഗങ്ങൾ, പോക്ഷക സംഘടന ഭാരവാഹികൾ എന്നിവർ പങ്കെടുത്ത് വിജയിപ്പിക്കണമെന്ന് യൂണിയൻ പ്രസിഡന്റ് ടി.കെ.സുന്ദരേശൻ, സെക്രട്ടറി ആർ.ഹരിദാസ് എന്നിവർ അഭ്യർത്ഥിച്ചു.