കൊല്ലം: വളർത്തുനായയെ ശല്യം ചെയ്യുന്നത് ചോദ്യം ചെയ്തതിൽ പ്രകോപിതനായി അയൽവാസിയായ വീട്ടമ്മയെ ആക്രമിച്ച വയോധികൻ അറസ്റ്റിൽ. കൊ​റ്റങ്കര പേരൂർ രാഘവ വിലാസത്തിൽ ശശിധരൻപിള്ളയാണ് (62) പിടിയിലായത്. ഇയാളുടെ നായയെ കൊണ്ട് വീട്ടമ്മയുടെ നായയെ ആക്രമിക്കുന്നത് പതിവായിരുന്നു. കഴിഞ്ഞ ദിവസം ഇത് ചോദ്യം ചെയ്തതിൽ പ്രകോപിതനായ ശശിധരൻ പിള്ള
കല്ല് കൊണ്ട് ആക്രമിക്കുകയും നിലത്തുവീണ വീട്ടമ്മയുടെ അടിവയ​റ്റിൽ ചവിട്ടി പരിക്കേൽപ്പിക്കുകയും ചെയ്തു. ഇവർ കൊല്ലത്തെ സ്വകാര്യ ആശുപത്രിയിൽ ചികിത്സയിലാണ്. കിളികൊല്ലൂർ ഇൻസ്‌പെക്ടർ കെ. വിനോദിന്റെ നേതൃത്വത്തിൽ സബ് ഇൻസ്‌പെക്ടർ എ.പി. അനീഷ്, എ.എസ്.ഐ സന്തോഷ്‌കുമാർ, സി.പി.ഒ സജിമ എന്നിവരടങ്ങിയ സംഘം ഇലിപ്പിക്കോണത്ത് നിന്നുമാണ് പ്രതിയെ പിടികൂടിയത്.