തിരുവനന്തപുരം: പട്ടികജാതി വികസന വകുപ്പിന്റെ നിയന്ത്രണത്തിൽ തിരുവനന്തപുരം മണ്ണന്തലയിൽ പ്രവർത്തിക്കുന്ന ഗവ. എക്‌സാമിനേഷൻ ട്രെയിനിംഗ് സെന്ററിൽ പത്താം ക്ലാസ്, പ്ലസ് ടൂ ലെവൽ പരീക്ഷകൾക്ക് വേണ്ടി ആറുമാസം ദൈർഘ്യമുളള സൗജന്യ പരിശീലനം നൽകുന്നു. തിരുവനന്തപുരം, കൊല്ലം, പത്തനംതിട്ട ജില്ലകളിലെ ഉദ്യോഗാർത്ഥികൾക്ക് അപേക്ഷിക്കാം. ജനുവരി 10ന് ആരംഭിക്കുന്ന ക്ലാസിൽ ചേരാൻ താത്പര്യമുളളവർ ജാതി, വരുമാനം,വിദ്യാഭ്യാസ യോഗ്യത എന്നിവ തെളിയിക്കുന്ന സർട്ടിഫിക്കറ്റുകളുടെ പകർപ്പുകൾ, ഒരു ഫോട്ടോ എന്നിവ സഹിതം ജനുവരി 7ന് മുമ്പ് മണ്ണന്തലയിൽ പ്രവർത്തിക്കുന്ന സെന്ററിൽ അപേക്ഷ സമർപ്പിക്കുകയോ, petctvm@gmail.com എന്ന മെയിൽ ഐഡിയിൽ അയക്കുകയോ വേണം. ഫോൺ: 9847558833.