ഓച്ചിറ: ആലപ്പാട് അഴീക്കലിൽ മീൻപിടിക്കുന്നതിനിടെ മത്സ്യത്തൊഴിലാളി കടലിൽ വീണ്​ മരിച്ചു. ആലപ്പാട് അഴീക്കൽ ദിനേശ് ഭവനത്തിൽ ഭാസി (62) ആണ് മരിച്ചത്. ഓംകാരം എന്ന വള്ളത്തിലെ തൊഴിലാളിയായിരുന്നു. നീണ്ടകരയ്ക്ക് പടിഞ്ഞാറ് കടലിൽ വല വിരിക്കുന്നതിനിടെയായിരുന്നു അപകടം. കയറിൽ കുരുങ്ങിയതാണ് അപകടകാരണമെന്ന്​ സംശയിക്കുന്നു. മൃതദേഹം കൊല്ലം ജില്ലാ ആശുപത്രി മോർച്ചറിയിൽ.