കൊല്ലം: മത്സ്യബന്ധനം കഴിഞ്ഞ് തോപ്പിൽകടവിൽ കെട്ടിയിട്ടിരുന്ന ബോട്ടിൽ നിന്നു മണികൾ മോഷ്ടിച്ച യുവാവ് പി​ടി​യി​ൽ. നീണ്ടകര പുത്തൻതുറ കോമളത്ത് വീട്ടിൽ സുലീഷ്‌കുമാർ (36) ആണ് കൊല്ലം വെസ്റ്റ് പൊലീസി​ന്റെ പിടിയിലായത്. തോപ്പിൽ കടവിലുളള ഫ്രാൻസീസ് ബോട്ട് യാർഡിൽ കിടന്ന, ആൻസൽ ബോബന്റെ ഉടമസ്ഥതയിലുളള ജീസസ് ബോട്ടിലാണ് മോഷണം നടത്തിയത്. 22 വലി​യ ഈയമണി​കളും 123 ചെറി​യ മണി​കളുമാണ് കണ്ടെടുത്തത്. ബോട്ടുകളിൽ നിന്നും വള്ളങ്ങളിൽ നിന്നും സ്ഥിരമായി മത്സ്യബന്ധന ഉപകരണങ്ങൾ മോഷ്ടി​ക്കുന്ന ഇയാൾ രണ്ടാഴ്ച മുൻപാണ് ജയിൽ മോചിതനായത്. കൊല്ലം വെസ്​റ്റ് ഇൻസ്‌പെക്ടർ ബി. ഷെഫീക്കിന്റെ നേതൃത്വത്തിൽ സബ് ഇൻസ്‌പെക്ടർമാരായ ശ്യാംകുമാർ, എ.എസ്.ഐമാരായ വിൽസൺ, പ്രിയേഷ് കുമാർ, എസ്.സി.പി.ഒ അബു താഹീർ എന്നിവരടങ്ങിയ സംഘമാണ് പ്രതി​യെ പിടികൂടിയത്.