തൊടിയൂർ: കേരള സർക്കാർ ന്യൂനപക്ഷ ക്ഷേമ വകുപ്പിന്റെ നേതൃത്വത്തിൽ നടത്തുന്ന വിവാഹപൂർവ കൗൺസലിംഗ് കോഴ്സിന്റെ ജില്ലാതല ഉദ്ഘാടനം ന്യൂനപക്ഷ യുവജനതയ്ക്കായുള്ള കരുനാഗപ്പള്ളി ഇടക്കുളങ്ങരയിലെ പരിശീലന കേന്ദ്രത്തിൽ നടന്നു. തൊടിയൂർ ഗ്രാമ പഞ്ചായത്ത് പ്രസിഡന്റ് ബിന്ദു രാമചന്ദ്രൻ ഉദ്ഘാടനം നിർവഹിച്ചു. വൈസ് പ്രസിഡന്റ് സലീം മണ്ണേൽ അദ്ധ്യക്ഷനായി. ഓച്ചിറ ബ്ലോക്ക് പഞ്ചായത്തംഗം സുധീർ കാരിക്കൽ മുഖ്യപ്രഭാഷണം നടത്തി. പരിശീലന കേന്ദ്രം പ്രിൻസിപ്പൽ ഡോ. എം.എം. ഷാജിവാസ് സ്വാഗതവും എ. യൂനുസ് നന്ദിയും പറഞ്ഞു. എട്ട് സെഷനുകളിലായി നാലു ദിവസം നടക്കുന്ന പരിശീലന പരിപാടിയിൽ വിദഗ്ദ്ധർ പങ്കെടുക്കും.