കൊല്ലം: കൊല്ലം മുനിസിപ്പാലിറ്റി മുൻ ചെയർമാനും സംസ്ഥാന സ്പോർട്സ് കൗൺസിൽ വൈസ് പ്രസിഡന്റും സി.പി.എം നേതാവുമായിരുന്ന കെ. തങ്കപ്പന്റെ ആറാം ചരമവാർഷികാചരണം

15ന് ക്വയിലോൺ അത്‌ലറ്റിക് ക്ലബ്ബിന്റെ നേതൃത്വത്തിൽ നടക്കും.

വൈകിട്ട് 5ന് നടക്കുന്ന അനുസ്മരണ സമ്മേളനം മന്ത്രി കെ.എൻ. ബാലഗോപാൽ ഉദ്ഘാടനം ചെയ്യും. ക്യു.എ.സി പ്രസിഡന്റ് അഡ്വ. അനിൽകുമാർ അമ്പലക്കര അദ്ധ്യക്ഷത വഹിക്കും. എം. നൗഷാദ് എം.എൽ.എ, കോർപ്പറേഷൻ സ്ഥിരം സമിതി അദ്ധ്യക്ഷൻ അഡ്വ. എ.കെ. സവാദ് എന്നിവർ സംസാരിക്കും. സംസ്ഥാനതലത്തിൽ തിരഞ്ഞെടുക്കപ്പെടുന്ന ഏറ്റവും മികച്ച അത് ലറ്റിനും ഫുട്ബാളർക്കും കെ. തങ്കപ്പൻ സ്മാരക കാഷ് അവാർഡും പുരസ്കാരവും മന്ത്രി സമ്മാനിക്കുമെന്ന് ക്യു.എ.സി സെക്രട്ടറി ജി. രാജ്മോഹൻ അറിയിച്ചു.