കൊല്ലം: എസ്.എൻ.ഡി.പി യോഗം കൊല്ലം യൂണിയന്റെ ആഭിമുഖ്യത്തിൽ ശ്രീനാരായണ വനിതാ കോളേജ് സെമിനാർ ഹാളിൽ നടന്ന വിവാഹ പൂർവ്വ കൗൺസലിംഗ് യോഗം ബോർഡ് അംഗം ആനേപ്പിൽ ഏ.ഡി.രമേഷ് ഉദ്ഘാടനം ചെയ്തു. കൊല്ലം യൂണിയൻ സെക്രട്ടറി എൻ.രാജേന്ദ്രൻ അദ്ധ്യക്ഷത വഹിച്ച യോഗത്തിൽ യൂണിയൻ പഞ്ചായത്ത് അംഗം അഡ്വ.എസ്.ഷാജി സ്വാഗതം പറഞ്ഞു.

യൂണിയൻ കൗൺസിലർമാരായ നേതാജി.ബി. രാജേന്ദ്രൻ, എം.സജീവ്, യൂണിയൻ പഞ്ചായത്ത് അംഗം ഇരവിപുരം സജീവൻ, വനിതാ സംഘം കേന്ദ്ര കമ്മിറ്റി അംഗം ശാന്തിനി ശുഭദേവൻ, ട്രസ്റ്റ് ബോർഡ് അംഗങ്ങളായ ധനപാലൻ കടപ്പാകട , മങ്ങാട് ജി.ഉപേന്ദ്രൻ, മുണ്ടയ്ക്കൽ രാജീവൻ, ശാഖായോഗം സെക്രട്ടറിമാർ എന്നിവർ പങ്കെടുത്തു. രാജേഷ് പൊൻമലയും ഡോ.ശരത്ചന്ദ്രനും ക്ലാസ്സുകൾ നയിച്ചു.

ഇന്ന് ശ്രീനാരായണധർമ്മം കുടുംബ ജീവിതത്തിൽ എന്ന വിഷയത്തിൽ ഷൈലജയും സ്ത്രീ, പുരുഷ മനഃശാസ്ത്രം എന്ന വിഷയത്തിൽ സുരേഷ് പരമേശ്വറും കുടുംബ പ്രശ്നങ്ങളും പരിഹാരവും എന്ന വിഷയത്തിൽ കെ.വി.അനൂപും ക്ലാസ്സെടുക്കും. വൈകിട്ട് 4 ന് നടക്കുന്ന സമാപന സമ്മേളനത്തിൽ യൂണിയൻ സെക്രട്ടറി എൻ.രാജേന്ദ്രൻ സർട്ടിഫിക്കറ്റുകൾ വിതരണം ചെയ്യും.