പത്തനാപുരം: എസ്.എൻ.ഡി.പി യോഗം പത്തനാപുരം യൂണിയനിലെ പുന്നല മേഖലയിൽ ഉൾപ്പെട്ട 1785-ാം നമ്പർ വെള്ളംതെറ്റി ശാഖയുടെ വാർഷിക പൊതുയോഗവും ഭരണസമിതി തിരഞ്ഞെടുപ്പും 12ന് രാവിലെ 10ന് ശാഖാ ഹാളിൽ നടക്കും. യൂണിയൻ സെക്രട്ടറി ബി. ബിജു ഉദ്ഘാടനം ചെയ്യും. യൂണിയൻ പ്രസിഡന്റ് ആദംകോട് കെ. ഷാജി അദ്ധ്യക്ഷത വഹിക്കും. ശാഖാ പ്രസിഡന്റ് എസ്. പുഷ്‌പാംഗദൻ പ്രവർത്തന റിപ്പോർട്ടും വരവ് ചെലവ് കണക്കും അവതരിപ്പിക്കും.
തുടർന്ന് ശാഖായോഗം, വനിതാസംഘം, യൂത്ത്മൂവ്മെന്റ്, യൂണിയൻ വാർഷിക പ്രതിനിധി എന്നിവയുടെ തിരഞ്ഞെടുപ്പ് നടക്കും.

യോഗത്തിൽ യൂണിയൻ വൈസ് പ്രസിഡന്റ് കെ.കെ. ശശീന്ദ്രൻ, യോഗം ഡയറക്ടർ ബോർഡ്‌ അംഗം എം.എം. രാജേന്ദ്രൻ, യൂണിയൻ കൗൺസിലർ എസ്. ശശിപ്രഭ, യൂണിയൻ പഞ്ചായത്ത്‌ കമ്മിറ്റി അംഗം എൻ.ഡി. മധു, വനിതാസംഘം യൂണിയൻ പ്രസിഡന്റ് സുലത പ്രകാശ്, യൂത്ത് മൂവ്മെന്റ് യൂണിയൻ പ്രസിഡന്റ് റിജു വി. ആമ്പാടി, സെക്രട്ടറി ബിനു സുരേന്ദ്രൻ എന്നിവർ സംസാരിക്കും.

ശാഖാ പ്രസിഡന്റ് എസ്. പുഷ്‌പാംഗദൻ സ്വാഗതവും നിയുക്ത ശാഖാ പ്രസിഡന്റ് നന്ദിയും പറയും.

പൂങ്കുളഞ്ഞി ശാഖ

പത്തനാപുരം: എസ്.എൻ.ഡി.പി യോഗം 5737-ാം നമ്പർ പൂങ്കുളഞ്ഞി ശാഖയുടെ വാർഷിക പൊതുയോഗവും ഭരണസമിതി തിരഞ്ഞെടുപ്പും അവാർഡ് വിതരണവും 12ന് ഉച്ചയ്ക്ക് 2ന് ശാഖാ ഹാളിൽ നടക്കും. പത്തനാപുരം യൂണിയൻ സെക്രട്ടറി ബി. ബിജു ഉദ്ഘാടനം ചെയ്യും. യൂണിയൻ പ്രസിഡന്റ് ആദംകോട് കെ. ഷാജി അദ്ധ്യക്ഷനാകും. ശാഖാ സെക്രട്ടറി ബി. രതീശൻ പ്രവർത്തന റിപ്പോർട്ടും വരവ് ചെലവ് കണക്കും അവതരിപ്പിക്കും. തുടർന്ന് ശാഖാ യോഗം, വനിതാസംഘം, യൂത്ത്മൂവ്മെന്റ്, യൂണിയൻ വാർഷിക പ്രതിനിധി എന്നിവയുടെ തിരഞ്ഞെടുപ്പ് നടക്കും. യൂണിയൻ വൈസ് പ്രസിഡന്റ് കെ.കെ. ശശീന്ദ്രൻ, യോഗം ഡയറക്ടർ ബോർഡ്‌ അംഗം എം.എം. രാജേന്ദ്രൻ, യൂണിയൻ കൗൺസിലർ എസ്. ശശിപ്രഭ, യൂണിയൻ പഞ്ചായത്ത്‌ കമ്മിറ്റി അംഗം എൻ.ഡി. മധു, വനിതാസംഘം യൂണിയൻ പ്രസിഡന്റ് സുലത പ്രകാശ്, യൂത്ത്മൂവ്മെന്റ് യൂണിയൻ പ്രസിഡന്റ് റിജു വി. ആമ്പാടി, സെക്രട്ടറി ബിനു സുരേന്ദ്രൻ എന്നിവർ സംസാരിക്കും. ശാഖാ പ്രസിഡന്റ് കെ.വി. സത്യപാലൻ സ്വാഗതവും നിയുക്ത ശാഖാപ്രസിഡന്റ് നന്ദിയും പറയും.