പത്തനാപുരം : എസ്.എൻ.ഡി.പി യോഗം പത്തനാപുരം യൂണിയനിലെ പുന്നല മേഖലയിൽ ഉൾപ്പെട്ട 5737-ാം നമ്പർ പൂങ്കുളഞ്ഞി ശാഖയുടെ വാർഷിക പൊതുയോഗവും ഭരണസമിതി തിരഞ്ഞെടുപ്പും ശാഖാഹാളിൽ നടന്നു. യൂണിയൻ സെക്രട്ടറി ബി. ബിജു ഉദ്ഘാടനം ചെയ്തു. യൂണിയൻ പ്രസിഡന്റ് ആദംകോട് കെ. ഷാജി അദ്ധ്യക്ഷത വഹിച്ചു. ശാഖാ സെക്രട്ടറി ബി. രതീശൻ പ്രവർത്തന റിപ്പോർട്ടും വരവ്, ചെലവ് കണക്കും അവതരിപ്പിച്ചു. തുടർന്ന് ശാഖ, വനിതാസംഘം, യൂത്ത്മൂവ്മെന്റ്, യൂണിയൻ വാർഷിക പ്രതിനിധി എന്നിവയുടെ തിരഞ്ഞെടുപ്പ് നടന്നു. യോഗത്തിൽ യൂണിയൻ കൗൺസിലറും വനിതാസംഘം യൂണിയൻ സെക്രട്ടറിയുമായ എസ്. ശശിപ്രഭ, യൂണിയൻ കൗൺസിലറും യൂത്ത്മൂവ്മെന്റ് യൂണിയൻ പ്രസിഡന്റുമായ റിജു വി. ആമ്പാടി, യൂത്ത് മൂവ്മെന്റ് യൂണിയൻ സെക്രട്ടറി ബിനു സുരേന്ദ്രൻ എന്നിവർ സംസാരിച്ചു. ശാഖാ ഭാരവാഹികളായി കെ.വി. സത്യപാലൻ (പ്രസിഡന്റ്), എൻ. സുധാകരൻ (വൈസ് പ്രസിഡന്റ്), ബി. രതീശൻ (സെക്രട്ടറി), വി. വിനോദ് കുമാർ (യൂണിയൻ പ്രതിനിധി), ആർ. പ്രദീപ്, വി. സനൽകുമാർ, കെ.എസ്. പ്രസാദ്, കെ. സോമരാജൻ, എസ്. സൂരജ് (കമ്മിറ്റി അംഗങ്ങൾ), ജെ. സുധ, സി.വി. ശ്രീധരൻ (പഞ്ചായത്ത്‌ കമ്മിറ്റി അംഗങ്ങൾ) എന്നിവരെ തിരഞ്ഞെടുത്തു. ശാഖാ പ്രസിഡന്റ് കെ.വി. സത്യപാലൻ സ്വാഗതവും വൈസ് പ്രസിഡന്റ് എൻ. സുധാകരൻ നന്ദിയും പറഞ്ഞു.