പോരുവഴി: ചക്കുവള്ളി ഗവ. ഹയർ സെക്കൻഡറി സ്ക്കൂളിൽ ദേശീയ ഗ്രാമീണ തൊഴിലുറപ്പു പദ്ധതി പ്രകാരം2018 - 2019 വാർഷിക പദ്ധതിയിൽ നിർമ്മാണം പൂർത്തീകരിച്ച ഡൈനിംഗ് ഹാളിന്റെ ഉദ്ഘാടനം ഡെപ്യൂട്ടി സ്പീക്കർ ചിറ്റയം ഗോപകുമാർ നിർവഹിച്ചു. കഴിഞ്ഞ പഞ്ചായത്ത് ഭരണ സമിതിയുടെ കാലത്ത് നിർമ്മാണം പൂർത്തീകരിച്ച ഡൈനിംഗ് ഹാളിന്റെ ഉദ്ഘാടനം സ്കൂൾ തുറക്കാത്തതു കാരണമാണ് വൈകിയത്. കോവൂർ കുഞ്ഞുമോൻ എം.എൽ.എ അദ്ധ്യക്ഷത വഹിച്ചു. പി.ടി.എ. പ്രസിഡന്റ് സിബി ചാക്കോ സ്വാഗതവും പ്രിൻസിപ്പാൾ ആമിന ബീവി നന്ദിയും പറഞ്ഞു. ശാസ്താംകോട്ട ബ്ലോക്ക് പഞ്ചായത്ത് പ്രസിഡന്റ് അഡ്വ. അൻസർ ഷാഫി, പോരുവഴി ഗ്രാമ പഞ്ചായത്ത് പ്രസിഡന്റ് ബിനു മംഗലത്ത്, ജില്ലാ പഞ്ചായത്ത് മെമ്പർ ശ്യാമളയമ്മ, ബ്ലോക്ക് പഞ്ചായത്ത് മെമ്പർ എസ്. ഷീജ. ഗ്രാമ പഞ്ചായത്ത് വൈസ് പ്രസിഡന്റ് നസീറ ബീവി, ഗ്രാമ പഞ്ചായത്ത് മെമ്പർ വിനു ഐ. നായർ എന്നിവർ പങ്കെടുത്തു.