കൊട്ടാരക്കര: പുത്തൂർ മിനിമോൾ മെമ്മോറിയൽ ചാരിറ്റബിൾ ട്രസ്റ്റിന്റെയും സിദ്ധാർത്ഥ സെൻട്രൽ സ്കൂളിന്റെയും സ്ഥാപക ചെയർമാൻ ഡോ. ഗോകുലം ഗോപകുമാറിന്റെ ആറാം ചരമ വാർഷികാചരണം ഇന്ന് നടക്കും. രാവിലെ 8ന് പുത്തൂർ കല്ലുംമൂട് ഗോകുലം വീട്ടിൽ പുഷ്പാർച്ചന, തുടർന്ന് 9.30ന് സിദ്ധാർത്ഥ സെൻട്രൽ സ്കൂളിൽ പുഷ്പാർച്ചനയും അനുസ്മരണ സമ്മേളനവും നടക്കും. സിദ്ധാർത്ഥ സെൻട്രൽ സ്കൂൾ ചെയർപേഴ്സൺ ഗോപിക അദ്വൈത്, ഡയറക്ടർ അദ്വൈത് ഹരി, അഡ്മിനിസ്ട്രേറ്റീവ് ഓഫീസർ എസ്. സുരേഷ് കുമാർ, മിനിമോൾ ട്രസ്റ്റ് അംഗങ്ങൾ, സ്കൂൾ അദ്ധ്യാപക, അനദ്ധ്യാപക, രക്ഷാകർതൃ പ്രതിനിധികൾ എന്നിവർ പങ്കെടുക്കും. പുത്തൂർ സായന്തനം ഗാന്ധിഭവൻ അഭയകേന്ദ്രത്തിൽ അന്നദാനവും നടത്തും.