കൊല്ലം: ആലപ്പുഴ ജനറൽ ആശുപത്രി ശ്വാസകോശ വിഭാഗം മേധാവിയും ആരോഗ്യ വകുപ്പ് ചീഫ് കൺസൾട്ടന്റുമായ ഡോ.കെ.വേണുഗോപാലിന്റെ ഗവേഷണ പ്രബന്ധം അമേരിക്കൽ കോളേജ് ഒഫ് ചെസ്റ്റ് ഫിസിഷ്യന്റെ വാർഷിക സമ്മേളനത്തിൽ അവതരിപ്പിക്കാൻ ക്ഷണി​ച്ചു. കൊവി​ഡി​നെ തുടർന്ന് രണ്ടു വർഷത്തി​നു ശേഷമാണ് സമ്മേളനം ഇറ്റലിയിലെ ബോളോഗ്നയിൽ 2022 ഫെബ്രുവരി മൂന്നു മുതൽ 5 വരെ നടക്കുന്നത്.

അറുപതോളം സ്ഥിരം ശ്വാസ തടസ രോഗികളിൽ പ്രാണായാമത്തിന്റെ ഫലപ്രാപ്തിയെക്കുറിച്ച് നടത്തിയ ഗവേഷണ ഫലമാണ് അവതരിപ്പിക്കുന്നത്. അന്താരാഷ്ട്ര തലത്തിൽ പ്രസിദ്ധമായ ചെസ്റ്റ് ( ഇംപാക്റ്റ് ഫാക്റ്റർ 8.3) ജേർണലിൽ പഠനം പസിദ്ധീകരിക്കും.

ആലപ്പുഴ ചന്ദനക്കാവ് താമസിക്കുന്ന ഡോ.വേണുഗോപാൽ കൊല്ലം മൺറോ തുരുത്ത് സ്വദേശിയാണ്. ആലപ്പുഴ മെഡിക്കൽ കോളേജ് പ്രൊഫസർ ഡോ.ശ്രീലതയാണ് ഭാര്യ. മക്കൾ: ഗോപീകൃഷ്ണ (ആർകിടെക്ട്, ഇറ്റലി), ഗോപിക വേണുഗോപാൽ (മെഡിക്കൽ വിദ്യാർത്ഥിനി, എയ്മ്‌സ് ഒഡീഷ)