കൊല്ലം: അനധികൃതമായി​ വിദേശമദ്യ വില്പനയ്ക്കി​ടെ, നാലര ലി​റ്റർ മദ്യവുമായി​ കരുനാഗപ്പള്ളി തൊടിയൂർ മുഴങ്ങോടിയിൽ ഈഴത്തെങ്ങിൽ വീട്ടിൽ രാമകൃഷ്ണൻ (48) പിടിയിൽ. നിരവധി തവണ സമാന കേസിലും സ്പിരി​റ്റ് കച്ചവടത്തിനും ഇയാൾ പിടിയിലായിട്ടുണ്ട്. ഗുണ്ടാ പ്രവർത്തനങ്ങളെ തുടർന്ന് മുമ്പ് രണ്ടുതവണ കാപ്പാ പ്രകാരം കരുതൽ തടങ്കലിലും കഴിഞ്ഞിട്ടുണ്ട്. കരുനാഗപ്പള്ളി​ ഇൻസ്‌പെക്ടർ ജി. ഗോപകുമാറിന്റെ നേതൃത്വത്തിൽ എസ്.ഐ വി. വിനോദ് കുമാർ, എ.എസ്.ഐ മാരായ ഷാജിമോൻ, നന്ദകുമാർ, സി.പി.ഒ ശ്രീകാന്ത്, മനോജ് എന്നിവരാണ് പ്രതി​യെ പി​ടി​കൂടി​യത്.