പത്തനാപുരം: എസ്.എൻ.ഡി.പി യോഗം പത്തനാപുരം യൂണിയനിലെ 3986-ാം നമ്പർ പന്തപ്ലാവ് ശാഖയുടെ വാർഷിക പൊതുയോഗവും ഭരണസമിതി തിരഞ്ഞെടുപ്പും ശാഖാഹാളിൽ നടന്നു. യൂണിയൻ സെക്രട്ടറി ബി. ബിജു ഉദ്ഘാടനം ചെയ്തു. യൂണിയൻ പ്രസിഡന്റ് ആദംകോട് കെ. ഷാജി അദ്ധ്യക്ഷത വഹിച്ചു. ശാഖ സെക്രട്ടറി വി. അജിത പ്രവർത്തന റിപ്പോർട്ടും വരവ് ചെലവ് കണക്കും അവതരിപ്പിച്ചു. തുടർന്ന് ശാഖ, വനിതാസംഘം, യൂത്ത്മൂവ്മെന്റ്, യൂണിയൻ വാർഷിക പ്രതിനിധി എന്നിവയുടെ തിരഞ്ഞെടുപ്പ് നടന്നു.

യോഗത്തിൽ യൂണിയൻ യോഗം ഡയറക്ടർ ബോർഡ്‌ അംഗം പിറവന്തൂർ ഗോപാലകൃഷ്ണൻ, യൂണിയൻ കൗൺസിലർ ജി. ആനന്ദൻ, യൂണിയൻ കൗൺസിലറും വനിതാസംഘം യൂണിയൻ സെക്രട്ടറിയുമായ എസ്. ശശിപ്രഭ, യൂണിയൻ കൗൺസിലറും യൂത്ത്മൂവ്മെന്റ് യൂണിയൻ പ്രസിഡന്റുമായ റിജു വി. ആമ്പാടി, യൂത്ത്മൂവ്മെന്റ് യൂണിയൻ സെക്രട്ടറി ബിനു സുരേന്ദ്രൻ എന്നിവർ സംസാരിച്ചു. ശാഖ ഭാരവാഹികളായി വി. അനീഷ് (പ്രസിഡന്റ്), എസ്. രതി (വൈസ് പ്രസിഡന്റ്), വി. അജിത (സെക്രട്ടറി ), പി. സുകുമാരൻ (യൂണിയൻ പ്രതിനിധി), ടി. രാജേഷ്, ബി. രജനി, ബി. വിദ്യാധരൻ, ശ്രീജ അനിൽ, ജി. പ്രസന്നൻ, എ. സദാനന്ദൻ, എം. ദിവാകരൻ (കമ്മിറ്റി അംഗങ്ങൾ), പി. വാസുദേവൻ, എ. അനിത, ബി. സോമൻ (പഞ്ചായത്ത്‌ കമ്മിറ്റി അംഗങ്ങൾ‌) എന്നിവരെ തിരഞ്ഞെടുത്തു. മുൻ ശാഖ പ്രസിഡന്റ് എം. ദിവാകരൻ സ്വാഗതവും തിരെഞ്ഞെടുക്കപ്പെട്ട ശാഖ പ്രസിഡന്റ് വി. അനീഷ് നന്ദിയും പറഞ്ഞു.