കൊല്ലം: ഗുരുദർശന പ്രചാരണത്തിന് ത്രിമാന ദീപത്തിന്റെ മാതൃകയിൽ ഗുരുദേവ ജ്യോതി രൂപകല്പന ചെയ്ത് കൊല്ലം സ്വദേശി. ഗുരുദേവന്റെ ചിത്രത്തിനൊപ്പം സന്ദേശങ്ങളും ആലേഖനം ചെയ്തിട്ടുള്ള ജ്യോതി, കൊല്ലം ഉളിയക്കോവിൽ രാജരാജേശ്വരി ഫൈൻ ആർട്സ് ഉടമ അശോക് കുമാറാണ് രൂപകല്പന ചെയ്തത്. ക്രിസ്മസ് കാലത്ത് വീടുകളിൽ തൂക്കുന്ന നക്ഷത്രങ്ങൾ പോലെ ഗുരുദേവ ജ്യോതിയും വീടുകളിലിടാം. ഉള്ളിൽ ലൈറ്റിടാനുള്ള സംവിധാനവുമുണ്ട്. ആഘോഷപരിപാടികളിൽ തോരണം പോലെ ഉപയോഗിക്കാനും കഴിയും.