ഗുരുവായൂർ: കേരളത്തിന്റെ സാംസ്‌ക്കാരിക അഭിവൃദ്ധിയുടെ പിന്നിൽ പ്രവാസികളാണെന്ന് സാഹിത്യകാരൻ ആലങ്കോട് ലീലാകൃഷ്ണൻ. പ്രവാസികൾ നൽകിയ പിന്തുണയിലാണ് ഇവിടെ നാടക പ്രസ്ഥാനങ്ങളും ചലച്ചിത്രങ്ങളും കഥാപ്രസംഗങ്ങളും ചാനലുകളുമെല്ലാം പുഷ്ടിപ്പെട്ടതെന്നും അദ്ദേഹം പറഞ്ഞു. ഗുരുവായൂർ എൻ.ആർ.ഐ അസോസിയേഷൻ സംഘടിപ്പിച്ച പ്രവാസി എഴുത്തുകാരുടെ സംഗമം ഉദ്ഘാടനം ചെയ്യുകയായിരുന്നു ലീലാകൃഷ്ണൻ. ഷാബു കിളിത്തട്ടിൽ എഴുതിയ 'മാറിയ ഗൾഫും ഗഫൂർക്കാ ദോസ്തും 'പുസ്തകം രണ്ടാം പതിപ്പിന്റെ പ്രകാശനവും നടന്നു. പ്രവാസി ക്ഷേമ ബോർഡ് ചെയർമാൻ പി.ടി. കുഞ്ഞുമുഹമ്മദ് മുൻ എം.എൽ.എ കെ.വി.അബ്ദുൾ ഖാദറിന് കോപ്പി നൽകി പ്രകാശനം നിർവഹിച്ചു. എൻ.ആർ.ഐ അസോസിയേഷൻ പ്രസിഡന്റ് അഭിലാഷ് വി. ചന്ദ്രൻ അദ്ധ്യക്ഷനായി. പ്രവാസി എഴുത്തുകാരായ റഹ്മാൻ പി.തിരുനെല്ലൂർ, കെ.എസ്.ശ്രുതി, ലത്തീഫ് മമ്മിയൂർ, ഹുസൈൻ ഗുരുവായൂർ, മണി ചാവക്കാട്, കുട്ടി എടക്കഴിയൂർ, കയ്യുമ്മു കോട്ടപ്പടി, പി.വി.ദിലീപ് കുമാർ, കൈരളി ബുക്‌സ് എം.ഡി അശോക് കുമാർ, സമേഷ് കൊളാടി, ജമാലുദ്ദീൻ മരട്ടിക്കൽ, ശശി വാറണാട്ട് എന്നിവർ സംസാരിച്ചു.