ചെങ്ങാലൂർ: അപകടത്തിൽ മരിച്ച ജനാർദനൻ ചിറ്റിയത്തിന്റെ നിര്യാണത്തിൽ അനുശോചിച്ച് സർവകക്ഷി അനുശോചനം നടത്തി. എസ്.എൻ പുരം എസ്.എൻ.ഡി.പി ശാഖാ മന്ദിരത്തിൽ നടന്ന അനുശോചന യോഗത്തിൽ പഞ്ചായത്ത് പ്രസിഡന്റ് കെ.എം. ബാബുരാജ് അദ്ധ്യക്ഷനായി. കെ.കെ. രാമചന്ദ്രൻ എം.എൽ.എ, ജില്ലാ പഞ്ചായത്ത് അംഗം വി.എസ്. പ്രിൻസ്, പഞ്ചായത്ത് അംഗങ്ങളായ ഹിമ ദാസൻ, ടിന തോബി, രശ്മി ശ്രീശോഭ്, എസ്.എൻ.ഡി.പി യൂണിയൻ സെക്രട്ടറി ടി.കെ.രവീന്ദ്രൻ, വൈസ് പ്രസിഡന്റ് ബേബി കീടായി, ശാഖാ സെക്രട്ടറി സി.എസ് സുരേഷ്, പി.കെ.ശേഖരൻ, ഷാജു കാളിയേങ്കര, കെ.വി.ദാസൻ, ദേവസിക്കുട്ടി തുടങ്ങിയവർ സംസാരിച്ചു. എസ്.എൻ.ഡി.പി യോഗം പുതുക്കാട് മേഖലാ കൺവീനർ കൂടിയായ ജനാർദനൻ വെള്ളിയാഴ്ച തൃശൂരിൽ വച്ച് സ്‌കൂട്ടറിൽ ബസിടിച്ചാണ് മരിച്ചത്.