പുത്തൂർ: ജൂനിയർ വാറന്റ് ഓഫീസർ എ. പ്രദീപിന്റെ നിര്യാണം നികത്താനാവത്ത നഷ്ടമാണെന്ന് റവന്യൂ വകുപ്പ് മന്ത്രി അഡ്വ.കെ. രാജൻ. സംസ്ഥാന സർക്കാർ കുടുംബത്തെ സഹായിക്കാൻ ആവശ്യമായ നടപടികൾ ഗൗരവമായി എടുക്കുമെന്നും മന്ത്രി പറഞ്ഞു. കഴിഞ്ഞ ദിവസം കൂനൂരിൽ ഉണ്ടായ ഹെലികോപ്ടർ ദുരന്തത്തിൽ വീരചരമം പ്രാപിച്ച പ്രദീപ് അറയ്ക്കലിന്റെ നിര്യാണത്തിൽ പുത്തൂർ ഗവണ്മെന്റ് സ്‌കൂളിൽ സംഘടിപ്പിച്ച സർവകക്ഷി അനുശോചന യോഗത്തിൽ മുഖ്യ പ്രഭാഷണം നടത്തുകയായിരുന്നു മന്ത്രി.

2018 ലെ പ്രളയകാലത്ത് സ്വയം സമർപ്പിതനായി പ്രളയ ദുരിതാശ്വാസ പ്രവർത്തനങ്ങളിൽ ഏർപ്പെട്ട് സുത്യർഹമായ പ്രവർത്തനം കാഴ്ചവെച്ചു. നാട്ടിലെ എല്ലാ പ്രവർത്തനങ്ങളിലും ഇടപെട്ടിരുന്ന പ്രദീപിന്റെ വേർപാട് മറക്കാനാവാത്ത ദുഃഖമാണെന്നും മന്ത്രി പറഞ്ഞു. പ്രദീപ് ഒരു ദേശത്തിന്റെ പ്രതീകമായും നാടിന്റെ അഭിമാനമായും മാറുകയാണെന്നും മരിക്കാത്ത ഓർമ്മ നിലനിറുത്തിക്കൊണ്ടാണ് പ്രദീപ് ഓർക്കുകയെന്നും ചടങ്ങിൽ അദ്ധ്യക്ഷത വഹിച്ച ജില്ലാ പഞ്ചായത്ത് പ്രസിഡന്റ് പി. കെ ഡേവിസ് അനുസ്മരിച്ചു. ധീര സേനാനിയുടെ കുടുംബത്തോടൊപ്പം കൈപിടിക്കാൻ സർക്കാർ സംവിധാനം ഒപ്പമുണ്ടാകുമെന്ന് കളക്ടർ ഹരിത വി. കുമാറും അനുസ്മരിച്ചു. പഞ്ചായത്ത് പ്രസിഡന്റ് മിനി ഉണ്ണിക്കൃഷ്ണൻ, വിവിധ രാഷ്ട്രീയ കക്ഷി നേതാക്കളായ അഡ്വ. ജോസഫ് ടാജറ്റ്, ടി. എസ് മുരളീധരൻ, കെ. വി സജു, ജയകുമാർ തുപ്പനിക്കാട്ട്, കെ. പി പോൾ, ഒല്ലൂർ എ.സി.പി കെ. സി സേതു, വിവിധ ജനപ്രതിനിധികൾ, രാഷ്ട്രീയ കക്ഷി നേതാക്കൾ തുടങ്ങിയവരും പ്രദീപിനെ അനുസ്മരിച്ചു.

​ആ​ശ്വാസ വാ​ക്കു​ക​ളു​മാ​യി​ ​പ്ര​മു​ഖർ

തൃ​ശൂ​ർ​ ​:​ ​ഹെ​ലി​കോ​പ്ട​ർ​ ​ദു​ര​ന്ത​ത്തി​ൽ​ ​മ​രി​ച്ച​ ​പ്ര​ദീ​പി​ന്റെ​ ​കു​ടും​ബാം​ഗ​ങ്ങ​ളെ​ ​ആ​ശ്വാ​സി​പ്പി​ക്കാ​ൻ​ ​പൊ​ന്നൂ​ക്ക​ര​യി​ലെ​ ​അ​റ​യ്ക്ക​ൽ​ ​വീ​ട്ടി​ലേ​ക്ക് ​ഇ​പ്പോ​ഴു​മെ​ത്തു​ന്ന​ത് ​ധാ​രാ​ളം​ ​പേ​ർ.​ ​ശ​നി​യാ​ഴ്ച്ച​ ​ആ​യി​ര​ക്ക​ണ​ക്കി​ന് ​പേ​രു​ടെ​ ​സാ​ന്നി​ദ്ധ്യ​ത്തി​ലാ​ണ് ​വീ​ട്ടു​വ​ള​പ്പി​ൽ​ ​പ്ര​ദീ​പി​ന്റെ​ ​മൃ​ത​ദേ​ഹം​ ​സം​സ്‌​ക​രി​ച്ച​ത്.​ ​ക​ഴി​ഞ്ഞ​ ​ദി​വ​സം​ ​രാ​ത്രി​ ​സ്പീ​ക്ക​ർ​ ​എം.​ബി.​ ​രാ​ജേ​ഷ് ​വീ​ട്ടി​ലെ​ത്തി​ ​കു​ടും​ബാം​ഗ​ങ്ങ​ളെ​ ​ആ​ശ്വാ​സി​പ്പി​ച്ചു. ഭാ​ര്യ​ ​ശ്രീ​ല​ക്ഷ്മി,​ ​മ​ക്ക​ൾ,​ ​പി​താ​വ് ,​ ​അ​മ്മ​ ​തു​ട​ങ്ങി​യ​വ​രെ​ ​ക​ണ്ട് ​ഏ​റെ​ ​നേ​രം​ ​ചെ​ല​വ​ഴി​ച്ചാ​ണ് ​മ​ട​ങ്ങി​യ​ത്.​ ​ഇ​ന്ന​ലെ​യും​ ​നി​ര​വ​ധി​ ​ബ​ന്ധു​ക്ക​ളും​ ​സാ​മൂ​ഹി​ക​ ​സാ​സ്‌​കാ​രി​ക,​ ​രാ​ഷ്ട്രീ​യ​ ​രം​ഗ​ത്തെ​ ​പ്ര​മു​ഖ​രും​ ​വീ​ട്ടി​ലെ​ത്തി.​ ​പ്ര​ദീ​പി​ന്റെ​ ​നാ​ട്ടി​ലെ​ ​സു​ഹൃ​ത്തു​ക്ക​ളും​ ​എ​ല്ലാ​ ​സ​മ​യ​വും​ ​കു​ടും​ബ​ത്തി​ന് ​താ​ങ്ങാ​യി​ ​അ​വി​ടെ​യു​ണ്ട്.​ ​പ്ര​ദീ​പ് ​സേ​ന​യി​ൽ​ ​ഉ​പ​യോ​ഗി​ച്ചി​രു​ന്ന​ ​യൂ​ണി​ഫോ​മും​ ​മൃ​ത​ദേ​ഹ​ത്തി​ൽ​ ​പു​ത​പ്പി​ച്ച​ ​ദേ​ശീ​യ​പ​താ​ക​യും​ ​ഭാ​ര്യ​ ​ശ്രീ​ല​ക്ഷ്മി​ക്ക് ​കൈ​മാ​റി​യി​രു​ന്നു.​ ​സം​സ്‌​കാ​ര​ ​ച​ട​ങ്ങി​ന്റെ​ ​അ​വ​സാ​നം​ ​പ്രി​യ​ത​മ​ന് ​സ​ല്യൂ​ട്ട് ​ന​ൽ​കി​യാ​ണ് ​ശ്രീ​ല​ക്ഷ്മി​ ​യാ​ത്ര​യാ​ക്കി​യ​ത്.