ചാവക്കാട്: ചരിത്ര പ്രസിദ്ധമായ കോഴിക്കുളങ്ങര ഭഗവതി ക്ഷേത്രത്തിൽ മൂന്ന് ദിവസങ്ങളിലായി ലളിതാ സഹസ്രനാമ ലക്ഷാർച്ചനയും മുറജപവും ഭക്തി സാന്ദ്രമായി നടന്നു. ക്ഷേത്രം തന്ത്രി പുലിയന്നൂർ കൃഷ്ണൻ നമ്പൂതിരി, മറ്റ് വൈദിക ശ്രേഷ്ഠന്മാർ എന്നിവർ മുഖ്യ കാർമ്മികത്വം വഹിച്ചു. മേൽശാന്തി രാജൻ എമ്പ്രാന്തിരിയുടെ കാർമ്മികത്വത്തിൽ രാവിലെ മുതൽ വിശേഷാൽ പൂജകളും നടന്നു. ക്ഷേത്രം ഭാരവാഹികളായ ചെയർമാൻ രാധാകൃഷ്ണൻ മാസ്റ്റർ കാക്കശ്ശേരി, സെക്രട്ടറി എ.ആർ. ജയൻ, ജോയിന്റ് സെക്രട്ടറി കെ.എം. ഷാജി, ട്രഷറർ കെ.ബി. പ്രേമൻ എന്നിവർ പരിപാടിക്ക് നേതൃത്വം നൽകി.