കുളത്തൂർ: ആരോഗ്യരംഗത്ത് കേരളം മറ്റ് രാജ്യങ്ങൾക്ക് മാതൃകയാണെന്ന് ഗവർണർ ആരിഫ് മുഹമ്മദ് ഖാൻ പറഞ്ഞു. സർക്കാരിന്റെ സൗജന്യ ആംബുലൻസ് സേവനമായ കനിവ് 108 ആംബുലൻസ് സർവീസിന്റെ കഴക്കൂട്ടം ടെക്നോപാർക്കിൽ പ്രവർത്തിക്കുന്ന എമർജൻസി റെസ്‌പോൺസ് സെന്ററിന്റെ പ്രവർത്തനങ്ങൾ വിലയിരുത്താനെത്തിയതായിരുന്നു അദ്ദേഹം.

കനിവ് 108 ആംബുലൻസിനുള്ളിലെ സംവിധാനങ്ങൾ കാണുകയും ആംബുലൻസ് ജീവനക്കാർക്ക് ആശംസകൾ അറിയിക്കുകയും ചെയ്‌ത ശേഷമാണ് ഗവർണർ മടങ്ങിയത്. കേരള മെഡിക്കൽ സർവീസസ് കോർപ്പറേഷൻ ലിമിറ്റഡ് മാനേജിംഗ് ഡയറക്ടർ ഡി. ബാലമുരളി, ജനറൽ മാനേജർ ഡോ.എസ്.എസ്. ജോയ്, ജി.വി.കെ ഇ.എം.ആർ.ഐ ഇ.എം.എൽ.സി ഡയറക്ടർ ഡോ. രമണറാവു, സംസ്ഥാന ഓപ്പറേഷൻസ് മേധാവി ശരവണൻ അരുണാചലം തുടങ്ങിയവർ ഒപ്പമുണ്ടായിരുന്നു.