വക്കം: ദേവസ്വം പെൻഷൻകാരുടെ ആനുകൂല്യങ്ങൾ ഉടൻ അനുവദിക്കണമെന്ന് മുൻ മന്ത്രി ബാബു ദിവാകരൻ പറഞ്ഞു. ദേവസ്വം പെൻഷനേഴ്‌സ് യൂണിയൻ വർക്കല മേഖല സമ്മേളനം നാവായിക്കുളത്ത് ഉദ്ഘാടനം ചെയ്യുകയായിരുന്നു അദ്ദേഹം. സംസ്ഥാന സെക്രട്ടറി ഡോ. പ്രസാദിന്റെ അദ്ധ്യക്ഷതയിൽ ചേർന്ന യോഗത്തിൽ കെ.പി.സി.സി.സെക്രട്ടറി അഡ്വ.ബി.ആർ.എം ഷഫീർ മുഖ്യ പ്രഭാഷണം നടത്തി. ആർ.എസ്.പി സംസ്ഥാന സെക്രട്ടറിയേറ്റ് അംഗം. കെ. ജയകുമാർ, യൂണിയൻ രക്ഷാധികാരി കെ.പി. ഉണ്ണിക്കൃഷ്ണണൻ, നാവായിക്കുളം ബിന്നി, മേഖലാ രാക്ഷാധികാരി പി. ഗോപിനാഥപ്പണിക്കർ, ശിവപുരം അശോകൻ എന്നിവർ സംസാരിച്ചു. ഭാരവാഹികളായി നാവായിക്കുളം ബിന്നി, പി. ഗോപിനാഥപ്പണിക്കർ (രക്ഷാധികാരികൾ), പുലിയൂർ ചന്ദ്രൻ (പ്രസിഡന്റ്‌ ),ചെമ്മരുതി ശശികുമാർ (വൈസ് പ്രസിഡന്റ്‌ ) എൻ. രാജേന്ദ്രൻ നായർ (സെക്രട്ടറി ), ജി. മുരളീധരൻ പിള്ള (ട്രഷറർ )എന്നിവരെ തിരഞ്ഞടുത്തു.