വർക്കല: ഗവേഷണവേദി ഏർപ്പെടുത്തിയിട്ടുളള 8-ാമത് എം.കെ. രാഘവൻവക്കീൽ പുരസ്കാരം പത്രപ്രവർത്തകനും എഴുത്തുകാരനുമായ തോമസ് ജേക്കബ്ബിന്. 25,000 രൂപയും ഫലകവുമടങ്ങുന്ന പുരസ്കാരം ഡിസംബർ 20ന് വൈകിട്ട് 4 മണിക്ക് പുത്തൻചന്ത കിംഗ്സ് ഹാളിൽ നടക്കുന്ന ചടങ്ങിൽ അഡ്വ. വി. ജോയി എം.എൽ.എ നൽകും. ഗവേഷണവേദി പ്രസിഡന്റ് ജി. പ്രിയദർശനൻ അദ്ധ്യക്ഷത വഹിക്കും. പുരസ്കാര സമർപ്പണ സമ്മേളനം ശ്രീനാരായണ ധർമ്മസംഘം ട്രസ്റ്റ് പ്രസിഡന്റ് സ്വാമി സച്ചിദാനന്ദ ഉദ്ഘാടനം ചെയ്യും. കലാപൂർണ്ണ പബ്ലിക്കേഷൻസ് മാനേജിംഗ് ഡയറക്ടർ ഡോ. പി.കെ. സുകുമാരൻ ഉപഹാരസമർപ്പണം നടത്തും. തോമസ് ജേക്കബ്ബിനെ വർക്കല നഗരസഭാ ചെയർമാൻ കെ.എം. ലാജി ആദരിക്കും. ഡോ.പി. സത്യശീലൻ, എം. ജോസഫ് പെരേര, ഡോ. എസ്. ജയപ്രകാശ്, എം. ശ്രീധരൻ എന്നിവർ സംസാരിക്കും.