ചിറയിൻകീഴ്:കേരള കൗമുദിയും ആറ്റിങ്ങൽ ഫയർഫോഴ്സും സംയുക്തമായി സംഘടിപ്പിച്ച അഗ്നിശമന ബോധവത്കരണ ക്ലാസും പ്രാഥമിക പരിശീലനവും ആറ്റിങ്ങൽ ഫയർ സ്റ്റേഷനിലെ മികച്ച പ്രവർത്തനം കാഴ്ചവച്ച ജീവനക്കാരെ ആദരിക്കൽ ചടങ്ങും വി.ശശി എം.എൽ.എ ഉദ്ഘാടനം ചെയ്തു. ശാർക്കര നോബിൾ ഗ്രൂപ്പ് ഒഫ് സ്കൂളിൽ സംഘടിപ്പിച്ച ചടങ്ങിൽ കേരള കൗമുദി തിരുവനന്തപുരം ആൻഡ് ആലപ്പുഴ യൂണിറ്റ് ചീഫ് എസ്.വിക്രമൻ അദ്ധ്യക്ഷത വഹിച്ചു.ആറ്റിങ്ങൽ ഫയർ സ്റ്റേഷനിലെ സ്റ്റേഷൻ ഓഫീസർ ജെ.ജിഷാദ്, അസ്സിസ്റ്റന്റ് സ്റ്റേഷൻ ഓഫീസർ രാജേന്ദ്രൻ നായർ, നോബിൾ ഗ്രൂപ്പ് ഒഫ് സ്‌കൂൾസ് മാനേജർ പി.സുഭാഷ് ചന്ദ്രൻ, കൊവിഡ് കാലഘട്ടത്തിലടക്കം മികച്ച ജീവകാരുണ്യ പ്രവർത്തനങ്ങൾക്ക് നേതൃത്വം നൽകുന്ന രാജകുമാരി ഗ്രൂപ്പ് ഡയറക്ടർമാരായ ഷുഹൈബ്. എസ്, നാദിർഷ. എം, ആറ്റിങ്ങൽ ടാന്റം ഡയറക്ടർ ഡോ. ബി. രാധാകൃഷ്ണൻ എന്നിവരെയും ആറ്റിങ്ങൽ ഫയർ സ്റ്റേഷനിലെ മികച്ച പ്രവർത്തനം കാഴ്ചവച്ച ജീവനക്കാരെയും എം.എൽ.എ ആദരിച്ചു. തുടർന്ന് ആറ്റിങ്ങൽ ഫയർ സ്റ്റേഷനിലെ അസ്സിസ്റ്റന്റ് സ്റ്റേഷൻ ഓഫീസർ രാജേന്ദ്രൻ നായർ വിദ്യാർത്ഥികൾക്കായി അഗ്നിശമന ബോധവത്കരണ ക്ലാസ് നടത്തി. പ്രാഥമിക അഗ്നിശമന ഉപാധികളുടെ ഡെമോയും കാണിച്ചു. ചിറയിൻകീഴ് ഗ്രാമപഞ്ചായത്ത് പ്രസിഡന്റ് പി.മുരളി മുഖ്യാതിഥിയായിരുന്നു.ആറ്റിങ്ങൽ ഫയർസ്റ്റേഷനിലെ സ്റ്റേഷൻ ഓഫീസർ ജെ.ജിഷാദ് മുഖ്യപ്രഭാഷണം നടത്തി. ഗ്രാമപഞ്ചായത്തംഗം സുരേഷ് കുമാർ (മോനി), ശ്രീശാരദാവിലാസം ഗേൾസ് ഹയർ സെക്കൻഡറി സ്കൂൾ പ്രിൻസിപ്പൽ ബീന, എസ്.സി.വി.ബി.എച്ച്.എസ് ഹൈസ്കൂൾ എച്ച്.എം എസ്.എസ് ഷാജി,ആറ്റിങ്ങൽ ടാന്റെം ഡയറക്ടർ ഡോ.ബി.രാധാകൃഷ്ണൻ, കേരള കൗമുദി ലേഖകരായ ജിജു പെരുങ്ങുഴി, സതീഷ് കണ്ണങ്കര, എക്സിക്യുട്ടീവ് എസ്.എസ് രഞ്ജിത്ത് എന്നിവർ ആശംസാപ്രസംഗം നടത്തി. നോബിൾ ഗ്രൂപ്പ് ഒഫ് സ്കൂൾസ് മാനേജർ പി.സുഭാഷ് ചന്ദ്രൻ സ്വാഗതവും കേരള കൗമുദി ലേഖകൻ ഡി.ശിവദാസ് നന്ദിയും പറഞ്ഞു.