കിളിമാനൂർ :എഴുത്തുകാർ സാമൂഹ്യ പ്രതിബദ്ധത പുലർത്തുമ്പോൾ സമൂഹത്തിൽ പുരോഗതിയുടെ പുതിയ ചിന്താ ധാരകൾ രൂപപ്പെടുമെന്ന് മന്ത്രി ജി.ആർ.അനിൽ. ഡോ.ടി.ആർ. ഷീജാകുമാരി കൊടുവഴന്നൂരിന്റെ വിശ്വാസങ്ങളിലെ ജന്തുക്കൾ, ഞാൻ സഹ്യപുത്രൻ എന്നീ രണ്ടു പുസ്തകങ്ങളുടെ പ്രകാശനം നിർവഹിക്കുകയായിരുന്നു അദ്ദേഹം.കിളിമാനൂർ ബി.ആർ.സിയിൽ നടന്ന ചടങ്ങിന് മലയാള വേദി പ്രസിഡന്റ്‌ ഷാനവാസ്‌.എ അദ്ധ്യക്ഷത വഹിച്ചു.കേരള കൗമുദി കൊല്ലം മുൻ യൂണിറ്റ് ചീഫ് സി.വിമൽകുമാർ,കുടിയേല ശ്രീകുമാർ എന്നിവർ പുസ്തകങ്ങൾ ഏറ്റുവാങ്ങി.ആറ്റിങ്ങൽ ഡയറ്റ് സീനിയർ ലക്ചറർ,ഡോ:മുഹമ്മദ്‌ കബീർ,ഗുരുചൈതന്യം മാസിക എഡിറ്റർ എം.എം.ജിജു മോൻ എന്നിവർ പുസ്തകപരിചയം നിർവഹിച്ചു.കൊട്ടറ മോഹൻകുമാർ,കിളിമാനൂർ എ.ഇ,.ഒ വി.എസ് പ്രദീപ്,ലിജു പി.ആർ കിളിമാനൂർ ബി.പി.സി സാബു വി. ആർ,ഡോ.ഷീജകുമാരി എന്നിവർ സംസാരിച്ചു.