വർക്കല: കേരളകൗമുദിയും വർക്കല ഫയർഫോഴ്സും സംയുക്തമായി സംഘടിപ്പിക്കുന്ന അഗ്നിരക്ഷാ ബോധവത്കരണ സെമിനാറും മോക്ക് ഡ്രില്ലും വിശിഷ്ട വ്യക്തികൾക്കുമുള്ള ആദരവും 18ന് നടക്കും. വൈകിട്ട് 3ന് വർക്കല മൈതാനം മുനിസിപ്പൽ പാർക്കിൽ നടക്കുന്ന യോഗം അഡ്വ. വി. ജോയി എം.എൽ.എ ഉദ്ഘാടനം ചെയ്യും. കേരളകൗമുദി തിരുവനന്തപുരം-ആലപ്പുഴ യൂണിറ്റ് ചീഫ് എസ്. വിക്രമൻ അദ്ധ്യക്ഷത വഹിക്കും. ശ്രീനാരായണ ധർമ്മസംഘം ട്രസ്റ്റ് ഡയറക്ടർ ബോർഡംഗം സ്വാമി വിശാലാനന്ദ ഭദ്രദീപം തെളിക്കലും അനുഗ്രഹ പ്രഭാഷണവും നിർവഹിക്കും. വർക്കല നഗരസഭാ ചെയർമാൻ കെ.എം. ലാജി, എസ്.എൻ.ഡി.പി യോഗം ശിവഗിരി യൂണിയൻ സെക്രട്ടറി അജി എസ്.ആർ.എം, വർക്കല ടൗൺ മസ്ജിദ് ചീഫ് ഇമാം മുഹമ്മദ് കുഞ്ഞ് മൗലവി, വർക്കല മാർത്തോമാ പള്ളി വികാരി ഫാ. ജിജോ പി. സണ്ണി, വർക്കല ഫയർസ്റ്റേഷൻ അസി. ഓഫീസർ പി. അനിൽകുമാർ, കോൺഗ്രസ് നേതാവ് അഡ്വ. കെ.ആർ. അനിൽകുമാർ, ആർ.എസ്.പി സംസ്ഥാന കമ്മിറ്റി അംഗം അഡ്വ.എസ്. കൃഷ്ണകുമാർ, ബി.ജെ.പി ജില്ലാ വൈസ് പ്രസിഡന്റ് ഇലകമൺ സതീശൻ, സി.പി.എം. വർക്കല ഏരിയാ സെക്രട്ടറി എം.കെ. യൂസഫ്, ജില്ലാ പഞ്ചായത്തംഗം വി. പ്രിയദർശിനി, വർക്കല നഗരസഭാ കൗൺസിലർ നിതിൻ നായർ, വർക്കല സൗഹൃദ കുടുംബകൂട്ടായ്മ ചെയർമാൻ മോഹൻദാസ്, തുടങ്ങിയവർ സംസാരിക്കും. കേരളകൗമുദി അസി. മാർക്കറ്റിംഗ് മാനേജർ സുധി കുമാർ സ്വാഗതവും വർക്കല ലേഖകൻ സജീവ് ഗോപാലൻ നന്ദിയും പറയും.