കടയ്ക്കാവൂർ: തീരദേശ ഹൈവേ അഞ്ചുതെങ്ങിൽ സ്ഥലമെടുപ്പ് ആരംഭിച്ചു. അഞ്ചുതെങ്ങ് ഗ്രാമപഞ്ചായത്ത് പ്രദേശത്തെ സ്ഥലമേറ്റെടുക്കൽ നടപടികൾ നെടുങ്ങണ്ടയിൽ ജില്ലാ പഞ്ചായത്തംഗം ആർ. സുഭാഷ് ഉദ്ഘാടനം ചെയ്തു.

മൂന്ന് ഘട്ടമായാണ് തീരദേശ ഹൈവേ പദ്ധതി നടപ്പാക്കുന്നത്. നിലവിലെ റോഡ് വീതി കൂട്ടുകയാണ് പദ്ധതിയുടെ പ്രാരംഭ ലക്ഷ്യം. 14 മീറ്ററാണ് റോഡിന്റെ ആകെ വീതി. 2.25 മീറ്റർ വീതിക്ക് സൈക്കിൾ വേയും ഉണ്ടാകും. ഇരു വശത്തുമായി 1.50 മീറ്റർ വീതിക്ക് നടപ്പാതയും ഉൾപ്പെടുത്തിയിട്ടുണ്ട്. ചടങ്ങിൽ അഞ്ചുതെങ്ങ് ഗ്രാമപഞ്ചായത്ത് പ്രസിഡന്റ് വി. ലൈജു, വൈസ് പ്രസിഡന്റ് ലിജാ ബോസ്, സ്റ്റേറ്റ് കോസ്റ്റൽ ഡെവലപ്മെന്റ് കോർപ്പറേഷൻ എം.ഡി പി.ഐ. ഷേയ്ക് പരീദ്, പൊതുമരാമത്ത് അസിസ്റ്റന്റ് എക്സിക്യൂട്ടിവ് എൻജിനീയർ ബിന്ദു, കിഫ്ബി ട്രാൻസ്‌പോട്ടേഷൻ എൻജിനീയർ ഷാസ്, കെ.എസി, എ.ഡി.സി ജനറൽ മാനേജർ കെ.ബി. അനിൽകുമാർ, പ്രോജക്ട് മാനേജർ ജെ. സുരേഷ് ബാബു എന്നിവർ പങ്കെടുത്തു.