തിരുവനന്തപുരം: ശബരിമല തീർത്ഥാടനത്തിന് സൗകര്യമൊരുക്കാൻ തദ്ദേശസ്വയംഭരണ സ്ഥാപനങ്ങൾക്ക് 3.20 കോടി രൂപയുടെ സ്‌പെഷ്യൽ ഗ്രാൻഡ് അനുവദിച്ചതായി മന്ത്രി എം.വി.ഗോവിന്ദൻ അറിയിച്ചു. ലഭിക്കുന്ന ഗ്രാൻഡ് ശബരിമല തീർത്ഥാടനവുമായി ബന്ധപ്പെട്ട അടിസ്ഥാന സൗകര്യങ്ങൾക്കും ശുചീകരണ പ്രവർത്തനങ്ങൾക്കും മാത്രമാണ് ഉപയോഗിക്കുന്നതെന്ന് ബന്ധപ്പെട്ട ഗ്രാമ പഞ്ചായത്ത്, നഗരസഭാ സെക്രട്ടറിമാർ ഉറപ്പുവരുത്തണം. സമയബന്ധിതമായി പ്രവർത്തനങ്ങൾ നടത്തി തീർത്ഥാടകർക്കാവശ്യമായ സൗകര്യങ്ങളും ശുചിത്വവും ഉറപ്പുവരുത്തണമെന്നും ജനപ്രതിനിധികൾ പ്രവർത്തന മേൽനോട്ടം വഹിക്കണമെന്നും മന്ത്രി പറഞ്ഞു.