തിരുവനന്തപുരം: കോൺഗ്രസ്സ് ദേശീയ നേതാവും മുൻമുഖ്യമന്ത്രിയുമായിരുന്ന കെ.കരുണാകരന്റെ സ്മരാണാർത്ഥം കേരള പ്രദേശ് ഗാന്ധി സെന്റർ ഏർപ്പെടുത്തിയിട്ടുള്ള സംസ്ഥാനത്തെ മികച്ച പൊതുപ്രവർത്തകനുള്ള കെ. കരുണാകരൻ പുരസ്കാരം കെ.പി.സി.സി പ്രസിഡന്റ് കെ.സുധാകരന് നൽകും. രാഷ്ട്രീയ-സാമൂഹ്യ രംഗത്ത് ശക്തമായ പ്രവർത്തനത്തിലൂടെ എം.എൽ.എ, എം.പി, മന്ത്രി എന്നീ നിലകളിൽ വ്യക്തിമുദ്ര പതിപ്പിച്ചതിനാണ് ആദരം. ജനുവരി 23ന് ആലപ്പുഴയിൽ നടക്കുന്ന ഗാന്ധി സെന്ററിന്റെ 16-ാം വാർഷിക സമ്മേളനത്തിൽ പുരസ്കാരം സമർപ്പിക്കുമെന്ന് ഗാന്ധി സെന്റർ ഭാരവാഹികളായ ആർ.സി.മധു, കടക്കുളം രാധാകൃഷ്ണൻ, ചിത്രാലയം ഹരി, സജീവൻ മലമ്പുഴ എന്നിവർ അറിയിച്ചു.