തിരുവനന്തപുരം: എസ്.എൻ.ഡി.പി യോഗം ഡോ.പി. പല്പു സ്‌മാരക യൂണിയൻ വനിതാ സംഘത്തിന്റെ നേതൃത്വത്തിൽ ശാഖാ വനിതാസംഘം ഭാരവാഹികൾക്കായി ഇന്ന് ഏകദിന ക്യാമ്പ് വഴുതക്കാട് ശർമ്മാജി ഹാളിൽ സംഘടിപ്പിക്കുന്നു. യൂണിയൻ വനിതാസംഘം പ്രസിഡന്റ് സതികുമാരിയുടെ അദ്ധ്യക്ഷതയിൽ കൂടുന്ന ചടങ്ങ് യോഗം കൗൺസിലറും കേന്ദ്ര വനിതാ സംഘം വൈസ് പ്രസിഡന്റുമായ ഷീബ ടീച്ചർ ഉദ്ഘാടനം ചെയ്യും. സി. തുളസീദാസൻപിള്ള, ഡോ. പ്രകാശ് രാജ്, ഡോ. ഷൈജു എന്നിവർ പഠനക്ലാസ് നയിക്കും.

യൂണിയൻ സെക്രട്ടറി അനീഷ് ദേവൻ സർട്ടിഫിക്കറ്റ് വിതരണം ചെയ്യും. യൂണിയൻ വൈസ് പ്രസിഡന്റ് എം.കെ. ദേവരാജ്, വനിതാസംഘം കോ ഓർഡിനേറ്റർ സോമസുന്ദരൻ,​ ഡയറക്ടർ ബോർഡ് അംഗം പി.സി. വിനോദ് തുടങ്ങിയവർ പങ്കെടുക്കും. യൂണിയൻ വനിതാസംഘം സെക്രട്ടറി ആശാ രാജേഷ് സ്വാഗതവും വൈസ് പ്രസിഡന്റ് മിനി സാജു നന്ദിയും പറയും. ശാഖയിൽ നിന്നുള്ള എല്ലാ ഭാരവാഹികളും പഠനക്ലാസിൽ പങ്കെടുക്കണമെന്ന് യൂണിയൻ വനിതാ സംഘം സെക്രട്ടറി ആശാ രാജേഷ് അറിയിച്ചു.