വക്കം: പൊതുവിദ്യാഭ്യാസ വകുപ്പിന്റെ ഹിന്ദി പഠന പോഷണപരിപാടിയായ സുരിലീ ഹിന്ദി പദ്ധതിയുടെ ന​ഗരൂർ പഞ്ചായത്തുതല ഉദ്ഘാടനം നെടുമ്പറമ്പ് ​ഗവ ഹയർസെക്കൻഡറി സ്കൂളിൽ പഞ്ചായത്തം​ഗം ആർ.എസ്.രേവതി നിർവഹിച്ചു. പി.ടി.എ പ്രസിഡ‍ന്റ് എം.ഷിബു അദ്ധ്യക്ഷത വഹിച്ചു.ഹിന്ദി അദ്ധ്യാപകൻ എൻ. ജി സാജൻ വിഷയാവതരണം നടത്തി. ബി.പി.സി. വി. ആർ സാബു വീഡിയോ പ്രകാശനം ചെയ്തു. എസ്.എം.സി ചെയർമാൻ ​ഗുരുദാസ്, ഉപജില്ലാ വിദ്യാഭ്യാസ ഓഫീസർ‌ വി. എസ് പ്രദീപ്, സുജീ സദാന്ദ്, എം. ആർ ​ഗീത, ഡോ. ജെ. എം സ്മിത, കുമാരദാസ്, ഹനാൻ, കെ .എസ് വൈശാഖ് എന്നിവർ സംസാരിച്ചു. പ്രിൻസിപ്പൽ വി.എസ്. സുചിത്ര സ്വാ​ഗതവും വി.പി. ജയശ്രീ നന്ദിയും പറഞ്ഞു.