പാലോട്: കേരളകൗമുദി ബോധപൗർണമി ക്ലബിന്റെയും നിംസ് മെഡിസിറ്റിയുടെയും നേതൃത്വത്തിൽ സംഘടിപ്പിക്കുന്ന സൗജന്യ മെഡിക്കൽ ക്യാമ്പ് ഇന്ന് രാവിലെ 9 മുതൽ നന്ദിയോട് ഗവ.എൽ.പി സ്‌കൂളിൽ നടക്കും. രാവിലെ 9.30ന് നന്ദിയോട് ഗ്രാമപഞ്ചായത്ത് പ്രസിഡന്റ് ശൈലജാ രാജീവൻ ഉദ്ഘാടനം ചെയ്യും.

ഗ്രാമപഞ്ചായത്ത് വൈസ് പ്രസിഡന്റ് ബാജിലാൽ അദ്ധ്യക്ഷത വഹിക്കുന്ന യോഗത്തിൽ ഡോ. ജിജോ മാർട്ടിൻ ( നിംസ് മെഡിസിറ്റി ), വി. രാജീവൻ ( മുൻ ഗ്രാമ പഞ്ചായത്തംഗം ) എന്നിവർ പങ്കെടുക്കും. പ്രദീപ് കാച്ചാണി ( കേരളകൗമുദി അസിസ്റ്റന്റ് സർക്കുലേഷൻ മാനേജർ ) സ്വാഗതവും രാഹുൽ ( കേരളകൗമുദി ) നന്ദിയും പറയും. ജനറൽ മെഡിസിൻ, ഹൃദ്രോഗ വിഭാഗം, നേത്രരോഗ വിഭാഗം, ദന്തരോഗ വിഭാഗം, ഡയബറ്റിക് വിഭാഗം എന്നിവയിലെ പ്രഗത്ഭരാണ് ക്യാമ്പിന് നേതൃത്വം നൽകുന്നത്.