തിരുവനന്തപുരം:പതിനൊന്നാം ശമ്പള പരിഷ്കരണത്തിൽ അടിസ്ഥാന ശമ്പളവും മറ്റു ആനുകൂല്യങ്ങളും വെട്ടിക്കുറച്ചതിനെതിരെ സർക്കാർ ഡോക്ടർമാർ കെ.ജി.എം.ഒ.എയുടെ നേതൃത്വത്തിൽ സെക്രട്ടേറിയറ്റ് പടിക്കൽ നടത്തിവരുന്ന നിൽപ്പ് സമരം പതിനാറ് ദിവസം പിന്നിട്ടു.കെ.ജി.എം.ഒ.എ സംസ്ഥാന പ്രസിഡന്റ് ഡോ.എസ്.ശ്യാം സുന്ദർ പതിനാറാം ദിനം ഉദ്ഘാടനം ചെയ്തു.കെ.ജി.എം.ഒ.എ സംസ്ഥാന പ്രസിഡന്റ് ഡോ. ജി.എസ്.വിജയകൃഷ്ണൻ അദ്ധ്യക്ഷത വഹിച്ചു.കെ.ജി.എം.ഒ.എ എറണാകുളം ജില്ലാ പ്രസിഡന്റ് ഡോ.സിറിൽ.ജി.ചെറിയാൻ, ജില്ലാ സെക്രട്ടറി ഡോ.പ്രശാന്ത്.കെ,മിഡ് സോൺ വൈസ് പ്രസിഡന്റ് ഡോ.സുനിൽ.പി.കെ,ജില്ലാ വൈസ് പ്രസിഡന്റുമാരായ ഡോ.ബിന്ദു, ഡോ.സുധാകർ, സംസ്ഥാന സമിതി ഭാരവാഹികളായ ഡോ.ദീപകെ.എച്ച്,ഡോ.ബാബു വർഗീസ് കൂടാതെ ഡോ.ഗിരീഷ്, ഡോ.ജിനു,ഡോ.രോഹിണി,ഡോ.മൃദുൽ എന്നിവർ പങ്കെടുത്തു.അനിശ്ചിതകാല സമരത്തിന്റെ പതിനേഴാം ദിവസമായ നാളെ കെ.ജി.എം.ഒ.എ ആലപ്പുഴ ജില്ലാ കമ്മിറ്റി നേതൃത്വം നൽകും.