ആറ്റിങ്ങൽ: കലാഭവൻ മണി സേവന സമിതി,​ ആറ്റിങ്ങൽ അറേബ്യൻ ഫാഷൻ ജുവലറി എന്നിവയുടെ സംയുക്ത ആഭിമുഖ്യത്തിൽ കലാഭവൻ മണിയുടെ 51-ാം ജന്മദിനാചരണം അറേബ്യൻ ടവറിൽ 31,​ ജനുവരി 1 തീയതികളിൽ നടക്കും. ഇതോടനുബന്ധിച്ച് 51 പ്രമുഖ വ്യക്തികൾക്ക് അവാ‌‌ർഡ്,​ 51 കാൻസർ റോഗികൾക്ക് ധനസഹായം,​ നിർദ്ധനരായ 51 പേർക്ക് വസ്ത്ര വിതരണം,​ അവശ കലാകാരന്മാർക്ക് ധനസഹായം,​ ഷോർട്ട് ഫിലിം ഫെസ്റ്റ് എന്നിവ നടക്കും. 31ന് വൈകിട്ട് 4ന് നടക്കുന്ന സമ്മേളനം ആറ്റിങ്ങൽ നഗരസഭാ ചെയർപേഴ്സൺ അഡ്വ. എസ്. കുമാരി ഉദ്ഘാടനം ചെയ്യും. കലാഭവൻ സേവന സമിതി ചെയർമാർ അജിൽ മണിമുത്ത് അദ്ധ്യക്ഷത വഹിക്കും. രാധാകൃഷ്ണൻ കുന്നുംപുറം മുഖ്യപ്രഭാഷണം നടത്തും. 4.30ന് ഷേർട്ട് ഫിലിം ഫെസ്റ്റ്. 6ന് നടക്കുന്ന സംസ്കാരിക സമ്മേളനം മന്ത്രി അഡ്വ. ജി.ആർ. അനിൽ ഉദ്ഘാടനം ചെയ്യും. ഒ.എസ്. അംബിക എം.എൽ.എ അദ്ധ്യക്ഷത വഹിക്കും.

ജനുവരി 1ന് വൈകിട്ട് 4ന് നടക്കുന്ന നിറവ് പുരസ്കാര വിതരണ സമ്മേളനം മന്ത്രി വി.ശിവൻകുട്ടി ഉദ്ഘാടനം ചെയ്യും. ഒ.എസ്. അംബിക എം.എൽ.എ അദ്ധ്യക്ഷത വഹിക്കും. കാൻസർ രോഗികൾക്കുള്ള ധനസഹായ വിതരണം അഡ്വ. അടൂർപ്രകാശ് എം.പി നിർവഹിക്കും. വി.ശശി എം.എൽ.എ,​ അഡ്വ. വി.ജോയി എം.എൽ.എ,​ വി.കെ. പ്രശാന്തൻ എം.എൽ.എ,​ നഗരസഭാ ചെയർപേഴ്സൺ അഡ്വ. എസ്.കുമാരി തുടങ്ങിയവർ സംസാരിക്കും. സമ്മേളനത്തിൽ സിനിമാതാരം ഇന്ദ്രൻസ്,​ നടി സീമ ജി. നായർ,​ ബഹുഭാഷാ കവി സി.എസ്. ബാലചന്ദ്രൻ നായർ, വാവാ സുരേഷ്,​ പന്തളം ബാലൻ,​ വിജി തമ്പി,​ തുളസീദാസ് തുടങ്ങി വിവിധ മേഖലയിലെ പ്രതിഭകളായ 20 പേർക്ക് നിറവ് അവാർഡ് വിതരണം ചെയ്യും.