പൂർണ പദ്ധതി രേഖ റെയിൽവേ അനുമതിക്ക് ശേഷം
തിരുവനന്തപുരം:തിരുവനന്തപുരം-കാസർകോട് സെമി ഹൈസ്പീഡ് റെയിലിന്റെ വിശദ പദ്ധതി രേഖ ( ഡി. പി. ആർ ) പുറത്തുവിടാത്തതിനെ ചൊല്ലി രൂക്ഷമാകുന്ന വിവാദം തണുപ്പിക്കാൻ സംസ്ഥാന സർക്കാർ ഇന്നലെ സംക്ഷിപ്ത പദ്ധതി രേഖ പുറത്തു വിട്ടു. പൂർണമായ പദ്ധതിരേഖ റെയിൽവേയുടെ അനുമതിയായ ശേഷം പുറത്തുവിടുമെന്നാണ് സർക്കാർ വിശദീകരണം.
റെയിൽ, റോഡ് യാത്രാവേഗം 40ശതമാനം കുറവുള്ള കേരളത്തിൽ പുതിയ യാത്രാസംസ്കാരമാവും സെമി-ഹൈസ്പീഡ് റെയിലെന്ന് 88 പേജുള്ള സംക്ഷിപ്ത പദ്ധതിരേഖ അവകാശപ്പെടുന്നു. വിവാദമുണ്ടാക്കുന്ന വിവരങ്ങളൊന്നും ഇതിൽ ഇല്ല.
2025ൽ പദ്ധതി ആരംഭിക്കും. നിലവിലെ 12മണിക്കൂർ യാത്ര നാലു മണിക്കൂറാവും. ദിവസം 18സർവീസുകൾ. ഒരു ട്രെയിനിൽ 675യാത്രക്കാർ. ടിക്കറ്റ് നിരക്ക് കിലോമീറ്ററിന് 2.75രൂപ. റോ-റോ സർവീസിൽ ദിവസം 480ട്രക്കുകൾ. ഇതിന്റെ വേഗം 120കിലോമീറ്റർ. ഇതിലൂടെ 237കോടി വരുമാനം. നെടുമ്പാശേരി വിമാനത്താവളത്തിലേക്ക് കണക്ടിവിറ്റി. ഭാവിയിൽ തിരുവനന്തപുരം വിമാനത്താവളത്തിലേക്കും. ഓഹരിയുടമകൾക്ക് 13.5 % ലാഭവിഹിതം
ചെലവ് കോടിയിൽ
ആകെ ചെലവ് 63,940കോടി
ഭൂമി ഏറ്റെടുക്കാൻ 11535.30
സ്വകാര്യഭൂമിക്ക് 6100
റെയിൽവേ ഭൂമിക്ക് 975
നഷ്ടപരിഹാരം 4460
പുനരധിവാസത്തിന് 1730
സംസ്ഥാന സർക്കാർ 18,150
റെയിൽവേ 6,313
അറ്റകുറ്റപ്പണിക്ക് കിലോമീറ്ററിന് 1.02കോടി
പ്രതിവർഷം 542കോടി
3384 ജീവനക്കാർ
പുറമെ നിന്ന് 1516 ഉദ്യോഗസ്ഥർ
ജീവനക്കാരുടെ വാർഷിക ശമ്പളം 8 ലക്ഷം.
ഇതിന് 271കോടി ചെലവ്.
പാതയിൽ
11.53കിലോമീറ്റർ തുരങ്കപാത
12.99കിലോമീറ്ററിൽ പാലങ്ങൾ
88.41കിലോമീറ്ററിൽ മേൽപ്പാലങ്ങൾ
101.74 കിലോമീറ്ററിൽ മണ്ണിടിക്കണം.
9314 കെട്ടിടങ്ങൾ പൊളിക്കണം
സ്റ്റേഷനുകൾ യാത്രക്കാരുടെ എണ്ണം അടിസ്ഥാനമാക്കി
എ ക്ലാസ്
തിരുവനന്തപുരം, കൊല്ലം, എറണാകുളം, തൃശൂർ, കോഴിക്കോട്, കണ്ണൂർ, കാസർകോട്
ബി ക്ലാസ്
ചെങ്ങന്നൂർ, കോട്ടയം, തിരൂർ
സി ക്ലാസ്
നെടുമ്പാശേരി വിമാനത്താവള സ്റ്റേഷൻ
കൊല്ലത്തും കാസർകോട്ടും ഡിപ്പോകൾ.
കഴക്കൂട്ടം, കൊല്ലം, പഴങ്ങനാട്, മൂരിയാട്, കാസർകോട് എന്നിവിടങ്ങളിൽ ട്രക്കുകൾ കയറ്റാനും ഇറക്കാനുമുള്ള റോ-റോ ഡിപ്പോകൾ.
പണം വരുന്ന വഴി
റെയിൽവേ ഓഹരി - 2150
റെയിൽവേ ഭൂമി-975
സംസ്ഥാന ഓഹരി-3252.56
പൊതുഓഹരി-4251.71
വിദേശവായ്പ-33,699.80
(തുക കോടിയിൽ)
യാത്രക്കാർ
2025ൽ 7,993
2030ൽ 94,672
2041ൽ 1,32,944
2052ൽ 1,58,946
ടിക്കറ്റ് വരുമാനം
2025ൽ 2,276
2032ൽ 4,504
2042ൽ10,361
2052ൽ 21,827
2061ൽ 42,476
2072ൽ 81,139
(തുക കോടിയിൽ)