തിരുവനന്തപുരം: അമ്പൂരി, വാഴിച്ചാൽ, വെള്ളറട മേഖലകളിൽ ചൊവ്വാഴ്ച രാത്രിയിലുണ്ടായ നേരിയ ഭൂചലനത്തിൽ ആശങ്കപ്പെടേണ്ടതില്ലെന്ന് മന്ത്രി കെ. രാജൻ അറിയിച്ചു. ദുരന്തനിവാരണ അതോറിട്ടിയിലെ ഹസാർഡ് റിസ്‌ക് അനലിസ്റ്റ് പ്രദീപ് ജി.എസ്, ജിയോളജിസ്റ്റ് അജിൻ. ആർ എന്നിവരുടെ നേതൃത്വത്തിലുള്ള വിദഗ്ദ്ധ സംഘത്തെ മേഖലകളിലേക്കയച്ച് പഠനം നടത്തിയ ശേഷമാണ് മന്ത്രി പ്രതികരിച്ചത്.

റിക്ടർ സ്‌കെയിൽ 1.9 രേഖപ്പെടുത്തിയ ചലനം 'ട്രമർ' എന്ന വിഭാഗത്തിലാണെന്നും ഭൗമാന്തർ ഭാഗത്തുണ്ടാകുന്ന മർദ്ദം പാറകൾ സ്ഥിതിചെയ്യുന്ന മേഖല വഴി പുറത്തേക്ക് തള്ളുന്ന പ്രതിഭാസമാണിതെന്നും വിദഗ്ദ്ധർ അഭിപ്രായപ്പെട്ടു.