തിരുവനന്തപുരം: 89ാമത് ശിവഗിരി തീർത്ഥാടനത്തോടനുബന്ധിച്ച് ശിവഗിരിയിലും സമീപപ്രദേശങ്ങളിലും സേവനമുഷ്ഠിക്കുന്ന പൊലീസുകാർക്കും മറ്റ് വകുപ്പ് ഉദ്യോഗസ്ഥർക്കും വോളന്റിയർമാർക്കും താമസിക്കുന്നതിനായി വർക്കല ഗവ. മോഡൽ എച്ച്.എസ്, വർക്കല ഗവ. എൽ.പി.എസ്, ഞെക്കാട് ഗവ.എച്ച്.എസ്.എസ്, ചെറുന്നിയൂർ ഗവ. എച്ച്.എസ്, വർക്കല ശ്രീനിവാസപുരം ഗവ.എൽ.പി.എസ് എന്നീ അഞ്ച് വിദ്യാഭ്യാസ സ്ഥാപനങ്ങൾക്ക് ശിവഗിരി തീർത്ഥാടന കാലയളവായ ഇന്നുമുതൽ ജനുവരി ഒന്നു വരെ അവധി പ്രഖ്യാപിച്ച് ജില്ലാ കളക്ടർ ഉത്തരവിറക്കി. തീർത്ഥാടന ഘോഷയാത്ര നടക്കുന്ന നാളെ ചിറയിൻകീഴ്, വർക്കല താലൂക്കുകളിലെ എല്ലാ സർക്കാർ ഓഫീസുകൾക്കും വിദ്യാഭ്യാസ സ്ഥാപനങ്ങൾക്കും പ്രാദേശിക അവധി പ്രഖ്യാപിച്ചിട്ടുണ്ട്. നേരത്തെ നിശ്ചയിച്ചിട്ടുള്ള പൊതുപരീക്ഷകൾക്ക് മാറ്റമില്ലെന്നും ഉത്തരവിൽ പറയുന്നു.