ആറ്റിങ്ങൽ: എസ്.എൻ.ഡി.പി യോഗം ആറ്റിങ്ങൽ യൂണിയന് കീഴിലുള്ള ആറ്റിങ്ങൽ ടൗൺ, പേരേറ്റിൽ, ചാത്തമ്പറ, കോരാണി, മാമം, താഴേ ഇളമ്പ, കരിച്ചിയിൽ, മണ്ണൂർ ഭാഗം പട്ടള, ഊരുപൊയ്ക, അയിലം, വഞ്ചിയൂർ, വിളയിൽമൂല, ഇടയ്ക്കോട്‌, ചെമ്പൂര് മുദാക്കൽ, ആലംകോട്, പൊയ്കമുക്ക്, പ്ലാവറക്കോണം, ഗുരുവൈഭവം ചാത്തമ്പറ, കൊച്ചാലുംമൂട്, ഞാറയ്ക്കാട്ടുവിള, മണമ്പൂർ, വയൽവാരം ചെറുവള്ളിമുക്ക്, മണനാക്ക്, ഒറ്റൂർ എന്നീ 28 ശാഖകളിലും ശാഖാ ഭാരവാഹികൾ, കുടുംബയൂണിറ്റ്, യൂത്ത് മൂവ്മെന്റ്, വനിതാസംഘം, മൈക്രോഫിനാൻസ്, സൈബർസേന തുടങ്ങിയ പോഷക സംഘടനകൾ എന്നിവയുടെ സംയുക്ത ആഭിമുഖ്യത്തിൽ 89-ാം മത് ശിവഗിരി തീർത്ഥാടനം വിവിധ പരിപാടികളോടെ ആഘോഷിച്ചു.

ശാഖാകേന്ദ്രങ്ങൾ, ഭവനങ്ങൾ, ഗുരുദേവക്ഷേത്രങ്ങൾ, പ്രധാന ജംഗ്ഷനുകൾ എന്നിവ കേന്ദ്രീകരിച്ച് പീത പതാകകളും വൈദ്യുതി ദീപാലങ്കാരങ്ങളും ഒരുക്കി. കേന്ദ്രങ്ങളിൽ പ്രാർത്ഥനയും വിവിധയിടങ്ങളിൽ നിന്ന് എത്തിച്ചേർന്ന പദയാത്രകൾക്കും തീർത്ഥാടകർക്കും അന്നദാനവും ശീതളപാനീയ വിതരണവും നടന്നു. മേലാറ്റിങ്ങൽ, പേരേറ്റിൽ, മണമ്പൂർ, ഒറ്റൂർ, വിളയിൽമൂല, വയൽവാരം ചെറുവള്ളിമുക്ക് എന്നീ ശാഖകളിൽ നിന്ന് പദയാത്രകളും മറ്റ് ശാഖകളിൽ നിന്ന് വാഹന ഘോഷയാത്രകളും സംഘടിപ്പിച്ചു.

യൂണിയൻ പ്രസിഡന്റ് എസ്. ഗോകുൽദാസ്, സെക്രട്ടറി എം. അജയൻ, വൈസ് പ്രസിഡന്റ് വി. ഷാജി, എൻ.എസ്.കെ. അജി, യൂണിയൻ കൗൺസിലർമാരായ റോയൽ അജി, സുധീർ, സുജാതൻ, അജു, ദഞ്ചുദാസ, സുരേഷ് ബാബു, സി. ഷാജി, യൂണിയൻ യൂത്ത് മൂവ്മെന്റ് പ്രസിഡന്റ് നിഷാന്ത് രാജൻ, സെക്രട്ടറി അജു, വൈസ് പ്രസിഡന്റ് അയ്യപ്പദാസ്, ജോയിന്റ് സെക്രട്ടറിമാരായ ജയപ്രസാദ്, റോയ്‌പാൽ, എക്സി. കമ്മിറ്റി അംഗങ്ങളായ ദിനേശ്, ശ്രീജിത്ത്, ദീപു സുധീന്ദ്രൻ, അനിൽകുമാർ, മിഥുൻ, കേന്ദ്ര കമ്മിറ്റി അംഗങ്ങളായ അഭിലാഷ്, സൂരജ്, സൈബർസേനാ കൺവീനർ ദിനേശ്, വൈസ് ചെയർമാൻ അജിപ്രസാദ്, യൂണിയൻ വനിതാസംഘം പ്രസിഡന്റ് സുശീലാ രാജൻ, സെക്രട്ടറി എസ്.ആർ. ശ്രീകല, വൈസ് പ്രസിഡന്റ് പ്രശോഭാ ഷാജി, ട്രഷറർ രാധാമണി, എക്സി. കമ്മിറ്റി അംഗങ്ങളായ ഷെർളി, ചിത്ര, ഉഷ, ഷെർളി സുദർശനൻ, ഷീജാ അജികുമാർ, ഗീതാ സുരേഷ്, ബേബി സഹൃദയൻ, കേന്ദ്രകമ്മിറ്റി അംഗങ്ങളായ ബിന്ദു വിനു, ടി.ഒ. ലതിക തുടങ്ങിയവർ നേതൃത്വം നൽകി.