കിളിമാനൂർ: സംസ്ഥാനത്ത് വർദ്ധിച്ചു വരുന്ന അതിക്രമങ്ങളിലും ഗുണ്ടാ ആക്രമണങ്ങളിലും പ്രതിഷേധിച്ച് യൂത്ത് കോൺഗ്രസ് ആറ്റിങ്ങൽ നിയോജക മണ്ഡലം കമ്മിറ്റിയുടെ നേതൃത്വത്തിൽ കിളിമാനൂർ പൊലീസ് സ്റ്റേഷനു മുന്നിൽ നോക്കുകുത്തി സ്ഥാപിച്ച് പ്രതിഷേധിച്ചു. യൂത്ത് കോൺഗ്രസ് ജില്ലാ സെക്രട്ടറി ബൻഷാ ബഷീർ അദ്ധ്യക്ഷത വഹിച്ചു. യൂത്ത് കോൺഗ്രസ് ജില്ലാ ഉപാദ്ധ്യക്ഷനും ജില്ലാ പഞ്ചായത്ത് മെമ്പറുമായ ജി.ജി ഗിരികൃഷ്ണൻ ഉദ്ഘാടനം ചെയ്തു. കെ.എസ്‌.യു ജില്ലാ ജനറൽ സെക്രട്ടറി ആദേഷ് സുധർമ്മൻ,യൂത്ത് കോൺഗ്രസ് മണ്ഡലം പ്രസിഡന്റുമാരായ സിബി ശൈലേന്ദ്രൻ,കണ്ണൻ പുല്ലയിൽ,ഗണേഷ് പുത്തൻവീട്,ആരിഫ് ഖാൻ,യൂത്ത് കോൺഗ്രസ് ആറ്റിങ്ങൽ നിയോജക മണ്ഡലം സെക്രട്ടറി രാഹുൽ ചെറുക്കാരം,സുജിത്ത് തുടങ്ങിയവർ പങ്കെടുത്തു.