വെഞ്ഞാറമൂട് :പട്ടിക ജാതി വികസന വകുപ്പിന്റെ അധീനതയിൽ, വാമനപുരം ബ്ലോക്ക് പഞ്ചായത്തിന്റെ നിയന്ത്രണത്തിൽ പ്രവർത്തിക്കുന്ന വെഞ്ഞാറമൂട് ആൺകുട്ടികളുടെ പ്രീ -മെട്രിക് ഹോസ്റ്റലിൽ ഹൊണറേറിയം അടിസ്ഥാനത്തിൽ ട്യൂഷൻ ടീച്ചർമാരായി പ്രവർത്തിക്കുന്നതിന് യോഗ്യതയുള്ളവരിൽ നിന്ന് അപേക്ഷ ക്ഷണിച്ചു. ഹൈസ്കൂൾ വിഭാഗത്തിൽ -6,യു. പി വിഭാഗത്തിൽ 3 ഒഴിവുകളാണുള്ളത്.എച്ച്‌. എ സ് വിഭാഗത്തിൽ ഇംഗ്ലീഷ്, ഹിന്ദി, ഫിസിക്സ്,കെമിസ്ട്രി, ബയോളജി, സോഷ്യൽ സയൻസ് എന്നീ വിഷയങ്ങൾ പഠിപ്പിക്കുന്നതിന് ബിരുദവും,ബി എഡും ഉണ്ടാകണം. യു. പി വിഭാഗത്തിൽ പഠിപ്പിക്കുന്നതിന് ബിരുദവും ബി എഡ് /ടി.ടി.സിയും ഉണ്ടായിരിക്കണം.അപേക്ഷകർ യോഗ്യത തെളിയിക്കുന്ന അസൽ സർട്ടിഫിക്കറ്റുകളുമായി 4ന് 11ന് വാമനപുരം ബ്ലോക്ക് പഞ്ചായത്തിൽ അഭിമുഖത്തിനായി എത്തണം.