കൽപ്പറ്റ: ജില്ലയിൽ ഇന്നലെ 128 പേർക്ക് കൂടി കൊവിഡ് സ്ഥിരീകരിച്ചതായി ജില്ലാ മെഡിക്കൽ ഓഫീസർ ഡോ. കെ.സക്കീന അറിയിച്ചു. 185 പേർ രോഗമുക്തി നേടി. നാല് ആരോഗ്യ പ്രവർത്തകർ ഉൾപ്പെടെ 126 പേർക്ക് സമ്പർക്കത്തിലൂടെയാണ് രോഗബാധ. ജില്ലയിലെ ടെസ്റ്റ് പോസിറ്റിവിറ്റി റേറ്റ് 9.71 ആണ്. ഇതോടെ ജില്ലയിൽ ഇതുവരെ കൊവിഡ് സ്ഥിരീകരിച്ചവരുടെ എണ്ണം 1,33214 ആയി. 1,30756 പേർ രോഗമുക്തരായി. നിലവിൽ 1659 പേരാണ് ചികിത്സയിലുള്ളത്. ഇവരിൽ 1529 പേർ വീടുകളിലാണ് ഐസൊലേഷനിൽ കഴിയുന്നത്. പുതുതായി നിരീക്ഷണത്തിലായ 1127 പേർ ഉൾപ്പെടെ ആകെ 12,625 പേർ നിലവിൽ നിരീക്ഷണത്തിലുണ്ട്. ജില്ലയിൽ നിന്ന് 965 സാമ്പിളുകൾ ഇന്ന് പരിശോധനയ്ക്ക് അയച്ചതായി ജില്ലാ മെഡിക്കൽ ഓഫീസർ അറിയിച്ചു.

 രോഗം സ്ഥിരീകരിച്ചവർ

പുൽപ്പള്ളി 32, മുള്ളൻകൊല്ലി 15, കണിയാമ്പറ്റ, നെന്മേനി, കൽപ്പറ്റ 7 വീതം, അമ്പലവയൽ 6, മാനന്തവാടി, തവിഞ്ഞാൽ, ബത്തേരി, തൊണ്ടർനാട് 5 വീതം, മുട്ടിൽ, പൂതാടി 4 വീതം, എടവക, മീനങ്ങാടി, തിരുനെല്ലി, വെള്ളമുണ്ട 3 വീതം, മേപ്പാടി, പനമരം, പടിഞ്ഞാറത്തറ 2 വീതം, കോട്ടത്തറ, മൂപ്പൈനാട്, നൂൽപ്പുഴ, പൊഴുതന, വെങ്ങപ്പള്ളി, വൈത്തിരി ഒരോരുത്തർക്കുമാണ് സമ്പർക്കത്തിലൂടെ രോഗം സ്ഥിരീകരിച്ചത്. ഇതിനുപുറമെ തമിഴ്നാട്ടിൽ നിന്ന് വന്ന 2 ബത്തേരി സ്വദേശിനികൾക്കും രോഗം സ്ഥിരീകരിച്ചു.